ახალი ამბები

სტუდენტებმა, რომლებმაც მოიპოვეს 2025-2026 სასწავლო წლის გაზაფხულის სემესტრისთვის ილიას სახელმწიფო უნივერსიტეტში მობილობის წესით ჩარიცხვის უფლება, რეგისტრაცია უნდა გაიარონ 2026 წლის 16 და 17 თებერვალს 10:00-დან 18:00 საათამდე, შემდეგ მისამართებზე:

• საბუნებისმეტყველო მეცნიერებებისა და მედიცინის ფაკულტეტი – H118 აუდიტორია, მის.: ი. ჭავჭავაძის გამზ. N45
• ბიზნესის, ტექნოლოგიისა და განათლების ფაკულტეტი – E207 აუდიტორია, მის.: ი. ჭავჭავაძის გამზ. N45
• მეცნიერებათა და ხელოვნების ფაკულტეტი – A303 აუდიტორია, მის.: ი. ჭავჭავაძის გამზ. N32
• სამართლის სკოლა – A411 აუდიტორია, მის.: ი. ჭავჭავაძის გამზ. N32

რეგისტრაციისთვის სტუდენტებმა განცხადებით უნდა მიმართონ უნივერსიტეტის რექტორს. განცხადებაში მითითებული უნდა იყოს იმ ფაკულტეტის/სკოლის დასახელება, რომელზეც სტუდენტმა მოიპოვა მობილობის წესით ჩარიცხვის უფლება და იმ პროგრამის სახელწოდება/მიმართულება (ასეთის არსებობის შემთხვევაში), რომელზეც სურს ჩარიცხვა.

რეგისტრაციისთვის საჭირო საბუთების ჩამონათვალი 

განცხადებას უნდა ახლდეს შემდეგი დოკუმენტები:

• ამონაწერი უმაღლეს საგანმანათლებლო დაწესებულებაში ჩარიცხვის ბრძანებიდან;
• სტუდენტის სასწავლო ბარათი (ნიშნების ფურცელი) (განმეორებითი მობილობის შემთხვევაში – ყველა იმ უმაღლესი საგანმანათლებლო დაწესებულებიდან, რომელშიც სტუდენტს უსწავლია); 
• ცნობა გაცემული შესაბამისი უმაღლესი საგანმანათლებლო დაწესებულებიდან 2026 წლის 30 იანვრის შემდეგ (სტუდენტის სტატუსის, სასწავლო პროგრამის დასახელების და მის მიმართ გამოცემული სამართლებრივი აქტების მითითებით);
• სტუდენტის მიმართ გამოცემული ყველა სამართლებრივი აქტი/ამონაწერი დამოწმებული უნივერსიტეტის ბეჭდით (განმეორებითი მობილობის შემთხვევაში – ყველა იმ უმაღლესი საგანმანათლებლო დაწესებულებიდან, რომელშიც სტუდენტს უსწავლია);
• სამხედრო აღრიცხვაზე ყოფნის დამადასტურებელი დოკუმენტი (მხოლოდ საქართველოს მოქალაქე ვაჟებისთვის);
• პირადობის დამადასტურებელი დოკუმენტის ასლი (ორივე გვერდი). უცხო ქვეყნის მოქალაქის შემთხვევაში – პასპორტის (ან პირადობის მოწმობის) სანოტარო წესით დამოწმებული თარგმანი;
• სრული ზოგადი განათლების დამადასტურებელი დოკუმენტის ნოტარიულად დამოწმებული ასლი. უცხოეთში მიღებული სრული ზოგადი განათლების შემთხვევაში – განათლების ხარისხის განვითარების ეროვნული ცენტრის მიერ გაცემული აღიარების დოკუმენტი;
• ფოტოსურათი ზომით 3X4 და ელვერსია ელექტრონულ მატარებელზე.

დეტალური ინფორმაციისთვის გაეცანით თანდართულ ბრძანებას.

2026