ახალი ამბები

ილიას სახელმწიფო უნივერსიტეტის სტუდენტებმა 15 მაისს თბილისის საერთაშორისო აეროპორტში მოაწყვეს ევროვიზიის მხარდამჭერი ფლეშმობი, რომელმაც დიდი მოწონება დაიმსახურა. სტუდენტებმა ამ მეთოდით  მხარდაჭერა გამოუცხადეს ევროვიზია 2012-ის ქართველ მონაწილეს, ანრი ჯოხაძეს. ფლეშმობზე წარმოდგენილ იქნა ქორეოგრაფ თამარ გოგორელიანის ხელმძღვანელობით დადგმული ცეკვა და საკონკურსო სიმღერა „I'm a Joker“.

როგორც ევროვიზია 2012-ის ქართველმა კონკურსანტმა ანრი ჯოხაძემ განაცხადა, ეს მოულოდნელი სანახაობა მისთვის დიდი სტიმულის და მხარდაჭერის გამომხატველი იყო. ილიაუნის სტუდენტების ამ წარმოდგენამ ემოციებით დატვირთული გააცილა კონკურსანტი და მისი წარმომადგენლები ბაქოში, ევროვიზია 2012-ზე.

ილიას სახელმწიფო უნივერსიტეტის სტუდენტები მადლობას უხდიან ილიაუნის თეატრს და მის ხელმძღვანელს, ნატალია თვალჭრელიძეს, რომელმაც გამოყო სარეპეტიციო დარბაზი სტუდენტებისათვის.