სიახლეები

ილიას სახელმწიფო უნივერსიტეტის სამართლის სკოლის სტუდენტები მარიამ ბიბილური, ნინო ლომიძე, მარიამ სხვიტარიძე და თემო დურული Willem C. Vis-ის საერთაშორისო პრესტიჟულ იმიტირებულ პროცესში (შეჯიბრებაში) მონაწილეობის მისაღებად მიემგზავრებიან ვენაში (ავსტრია), სადაც 11-18 აპრილს კონკურსის დასკვნითი ნაწილი, საერთაშორისო ზეპირი რაუნდები გაიმართება.

Willem C. Vis-ის სახელობის საერთაშორისო კომერციული არბიტრაჟის იმიტირებული პროცესი არის კომერციული არბიტრაჟის საკითხების შესახებ უმსხვილესი სტუდენტური შეჯიბრება, რომელიც 1994 წლიდან ყოველწლიურად ტარდება ვენაში და მასში 400-ზე მეტი უნივერსიტეტი მონაწილეობს მსოფლიო მასშტაბით.

შეჯიბრება აერთიანებს სტუდენტებს, წამყვან პრაქტიკოს იურისტებსა და აკადემიკოსებს მსოფლიოს სხვადასხვა ქვეყნიდან. 

სტუდენტური გუნდის მწვრთნელები: თინათინ გოლეთიანი და გიორგი კეკენაძე

ვიზიტის მხარდამჭერები: ილიაუნის სამართლის სკოლა და კომპანია „ნოდია, ურუმაშვილი და პარტნიორები“

2025