საჯარო სამართალი და პოლიტიკა

საჯარო სამართლისა და პოლიტიკის სამაგისტრო პროგრამა

მისაღები ადგილების რაოდენობა: 25 ვაკანტური ადგილი

საუნივერსიტეტო გამოცდის ტიპი: წერითი გამოცდა (ინგლისური ენის გამოცდა - B2 დონე, კაზუსი, ესე)

მისანიჭებელი აკადემიური ხარისხი: საჯარო სამართლის მაგისტრი

პროგრამის მიზნები:

პროგრამის მიზანია მოამზადოს საჯარო სამართლის მაღალკვალიფიციური პრაქტიკოსი და ექპსერტი, რომელსაც ექნება სისტემური ცოდნა საჯარო სამართლისა და პოტილიტიკის ურთიერთმიმართების სხვადასხვა ასპექტის შესახებ, შეძლებს საჯარო სამართალსა და მასთან დაკავშირებული პოლიტიკის აქტუალური პრობლემების კომპლექსურ შესწავლას და შეძენილ ცოდნას გამოიყენებს პრაქტიკულ საქმიანობაში როგორც ადამიანის უფლებათა სამართლის,  ასევე სახელმწიფოებრივი ინსტიტუტების განვითარების, რეფორმების და საკანონმდებლო ცვლილებების საკითხებთან მიმართებით.

მოკლე აღწერა:

საჯარო სამართლისა და პოლიტიკის სამაგისტრო პროგრამა ერთადერთია საქართველოში, რომელიც სამართლის და პოლიტიკის დარგების ინტეგრირებით უვითარებს სტუდენტს ფართო ხედვას აღნიშნული დარგების ურთიერთმიმართებაზე. თანამედროვე ცოდნის მიღებასთან ერთად, სამართლის სკოლა პროგრამაზე სწავლის გაგრძელების მსურველებს სთავაზობს პროფესიულ გარემოსთან ინტეგრირების საშუალებას კლინიკის მეშვეობით. პროგრამის ფარგლებში, ლექციები იკითხება კვალიფიციური აკადემიური პერსონალისა და პრაქტიკული გამოცდილების მქონე წარმატებული კონსტიტუციონალისტების, ადამიანის უფლებების სპეციალისტებისა და მოსამართლეების მიერ. კურსების ნაწილის გავლა სტუდენტს შეუძლია ინგლისურ ენაზე.სამართლის სკოლა ეხმარება სტუდენტებს სტაჟირების გავლაში უნივერსიტეტის პარტნიორ საჯარო თუ არასამთავრობო ორგანიზაციებში, მათი ინტერესების შესაბამისად.

დასაქმების სფეროები:

• შესაბამისი პროფილის საერთაშორისო ორგანიზაციები,  საჯარო სექტორი, მათ შორის პარლამენტი, საკონსტიტუციო თუ უზენაესი სასამართლო;
• სადოქტორო საფეხურზე სწავლის გაგრძელება;
• ადამიანის უფლებების სფეროში მომუშავე  არასამთავრობო ორგანიზაციები;
• საჯარო სამართლის საკითხებში  პრაქტიკოსი ექსპერტი. 

საკონტაქტო ინფორმაცია:

სამართლის სკოლა
➳0162, თბილისი, ჭავჭავაძის გამზ.#32
ოთახები: A 403, A 407
☏ (995 32) 222 0009 (301)
✉ lawfaculty@iliauni.edu.ge