საბუნებისმეტყველო მეცნიერებებისა და საინჟინრო ფაკულტეტი ილიას სახელმწიფო უნივერსიტეტი

სან დიეგოს სახელმწიფო უნივერსიტეტის ინგლისურენოვანი საბაკალავრო პროგრამები

სან დიეგოს სახელმწიფო უნივერსიტეტის ინგლისურენოვანი საბაკალავრო პროგრამები

სან დიეგოს სახელმწიფო უნივერსიტეტი (SDSU), ათასწლეულის გამოწვევის ფონდი - საქართველოს უმაღლესი განათლების კომპონენტის ფარგლებში, სტუდენტებს სთავაზობს საერთაშორისო აკრედიტაციის მქონე მაღალი ხარისხის (ABET - საინჟინრო პროგრამების აკრედიტაციის ამერიკის საბჭო, ACS - ამერიკის ქიმიკოსთა ასოციაცია, WASC - სკოლებისა და კოლეჯების დასავლეთის ასოციაცია) საბაკალავრო პროგრამებს საინჟინრო და ტექნოლოგიურ (STEM) დარგებში.

აღნიშნული პროგრამები ხელს შეუწყობს საქართველოში საბუნებისმეტყველო და ტექნოლოგიური დარგების განვითარებასა და ქვეყანაში მაღალკვალიფიციური სამუშაო ძალის მომზადებას. პროექტი ხორციელდება აშშ-ის ათასწლეულის გამოწვევის კორპორაციის (MCC) მეორე კომპაქტის ფინანსური მხარდაჭერით.

კურსდამთავრებულები მიიღებენ ამერიკულ დიპლომს.

პროგრამები ხორციელდება საქართველოს სამ სახელმწიფო უნივერსიტეტთან თანამშრომლობით. სან დიეგოს სახელმწიფო უნივერსიტეტი ილიაუნიში 2017 წელს გთავაზობთ შემდეგ საბაკალავრო პროგრამებს:

სან დიეგოს სახელმწიფო უნივერსიტეტის საგანმანათლებლო პროგრამები სტუდენტებს მოამზადებს საბუნებისმეტყველო და ტექნიკურ დარგებში წარმატებული პროფესიული კარიერისათვის. პროგრამებისთვის განკუთვნილი სასწავლო აუდიტორიები, საინჟინრო, სამეცნიერო და კომპიუტერული ლაბორატორიების აღჭურვილობა და სტანდარტები, ასევე, სტუდენტებისათვის შეთავაზებული ტექნოლოგიები იქნება ამერიკის შეერთებულ შტატებში სან დიეგოს სახელმწიფო უნივერსიტეტში არსებულ კრიტერიუმების შესაბამისი. პარტნიორ უნივერსიტეტებში გარემონტდა და შენდება ახალი ინფრასტრუქტურა, რათა სტუდენტებს წვდომა ჰქონდეთ უახლეს ტექნოლოგიებთან და ლაბორატორიებთან.

სწავლება იწარმოებს ინგლისურ ენაზე და ლექციებს გაუძღვებიან SDSU-ს ამერიკელი პროფესორები. სტუდენტების ინგლისურ ენაში სათანადოდ მომზადებისთვის, საერთაშორისო განათლების ცენტრთან თანამშრომლობით, SDSU-საქართველომ დააფუძნა ინგლისური ენის აკადემია (English Language Academy - ELA), რომელიც აბიტურიენტებს სთავაზობს ინგლისური ენის მოსამზადებელ კურსებს თბილისში, ქუთაისში, ბათუმში, ახალციხესა და სხვა ქალაქებში. ინგლისური ენის აკადემიაში ჩართვით დაინტერესებულმა პირმა უნდა შეავსოს სააპლიკაციო ფორმა შემდეგ ბმულზე: http://georgia.sdsu.edu/sub/ELAinquiryform.html ან დაგვიკავშირდეს შემდეგ ელექტრონულ მისამართზე: ELAinquiries@mail.sdsu.edu.

გაცვლითი პროგრამები

SDSU-საქართველოს სტუდენტებს ეძლევათ უნიკალური შესაძლებლობა, ერთი სემესტრით ან ერთი წლით სწავლა განაგრძონ სან დიეგოს სახელმწიფო უნივერსიტეტის კალიფორნიის კამპუსში. სტუდენტები ამ შემთხვევაში გადაიხდიან იმავე ოდენობის საფასურს, რასაც საქართველოში.

სან დიეგოს სახელმწიფო უნივერსიტეტის ილიაუნიში არსებულ ინგლისურენოვან საბაკალავრო პროგრამებზე ჩასაბარებლად შემოხაზე 0100405.


საკონტაქტო ინფორმაცია:

მ. კოსტავას 5, თბილისი, 0108, საქართველო
☏ +995 (32) 2 311 611
ვებგვერდი: www.georgia.sdsu.edu
✉ georgiainfo@mail.sdsu.edu
Facebook: SDSU.Georgia



მიმაგრებული დოკუმენტები

ბანერები