ვაკანსიები სტუდენტებისთვის

საერთაშორისო გაყიდვების ინსტიტუტის http://www.isi.ge პროექტი Sales MBA-ს მესამე ნაკადის მიღებას იწყებს. პროექტი განკუთვნილია 26 წლამდე ახალგაზრდებისთვის და მოიცავს 6-თვიან სწავლებას გაყიდვების მიმართულებით და დასაქმების პროგრამას.

პროექტს სრულად აფინანსებს საერთაშორისო გაყიდვების ინსტიტუტი. Sales Mba-ზე მოხვედრა ავტომატურად გულისხმობს „საერთაშორისო გაყიდვების ინსტიტუტის“ პარტნიორ კომპანიებში დასაქმებას გაყიდვების მენეჯერის პოზიციაზე.

პარტნიორი კომპანიების არასრული ჩამონათვალი: ლიბერთი ბანკი, ჯი არ სი, კრისტალი, ნექსია თიეი და ა. შ.

Sales MBA-ს პირველი და მეორე ნაკადის კურსდამთავრებულები მუშაობენ ისეთ კომპანიებში, როგორებიც არის: ლივინგსტონი, ორიენტლოგიკი, პალიტრამედია, ჯიარსი და სხვ.

პროექტში მონაწილე კანდიდატები კონკურსის წესით შეირჩევიან.

აპლიკაციის მიღების პირობები:

• უნდა იყოს 26 წლამდე.
• არ უნდა იყოს დასაქმებული არც ერთ სექტორში.
• ინგლისური ენის ცოდნა აუცილებელია.
• სქესს, საცხოვრებელ ადგილსა და სასწავლებელს მნიშვნელობა არ აქვს.
• უნდა იყოს სრულწლოვანი.
• უფროსკურსელებს მიენიჭებათ უპირატესობა.

შერჩევა/გასაუბრების ეტაპები:

• I ეტაპი – რეზუმეების გადარჩევა;
• II ეტაპი – სატელეფონო გასაუბრება;
• III ეტაპი – პირისპირ გასაუბრება;
• IV ეტაპი – ჯგუფური გასაუბრება;
• V ეტაპი – საბოლოო კანდიდატების შერჩევა და დაბარება.

სწავლების პროცესი

• სწავლებას ექნება პრაქტიკული ტრენინგის ფორმატი და გაიმართება კვირას, 10:00-დან 17:00-მდე.

კურსის მთავარი თემები:

• საცალო გაყიდვები
• კორპორატიული გაყიდვები
• სადისტრიბუციო გაყიდვები
• Business English for Sales

დაინტერესებულმა პირებმა გაგზავნეთ რეზიუმე (CV) შემდეგ მისამართზე: info@isi.ge
პროექტის დაწყების თარიღია 12 მაისი.