![ტრენინგი „აქტიური სწავლა ამობრუნებულ საკლასო ოთახში“](https://iliauni.edu.ge/uploads/photo/cache/83/b52db52791669aba286d43f617cc7844_83619.png)
![ბავშვის განვითარების ინსტიტუტის ონლაინტრენინგი](https://iliauni.edu.ge/uploads/photo/cache/83/d152929bd658d26cbfce3660d2f84368_83079.png)
![ტრენინგი „საბაზისო კურსი ქცევის გამოყენებით ანალიზში“](https://iliauni.edu.ge/uploads/photo/cache/83/9a3835e90d5213d797288a1ff2a1081b_83054.png)
ტრენინგკურსი: ფსიქოლოგიური შეფასება - ქცევაზე დაკვირვება, ჩაწერა, გრაფიკული დიზაინი და ფუნქციური ანალიზი
ახალი ამბები
2016 წლის 2-5 ივლისს, 10:00-დან 16:00 საათამდე, ილიას სახელმწიფო უნივერსიტეტის ბავშვის განვითარების ინსტიტუტის ტრენინგცენტრი გთავაზობთ ტრენინგკურსს: „ფსიქოლოგიური შეფასება - ქცევაზე დაკვირვება, ჩაწერა, გრაფიკული დიზაინი და ფუნქციური ანალიზი“.
ტრენინგკურსი განკუთვნილია ფსიქოლოგიის სფეროში მოღვაწე სპეციალისტებისთვის, რომლებიც მუშაობენ რთული ქცევის მქონე პირებთან.
ტრენინგკურსზე გამოყენებული იქნება არაფორმალური და ფორმალური სწავლების მეთოდები: თეორიული კურსის წაკითხვა, პრაქტიკული დავალებების შესრულება ინდივიდუალურად და ჯგუფურად, ვიდეომასალის განხილვა, საშინაო დავალების მომზადება, ტესტირება ტრენინგის დასასრულს. რიდერებისა და დავალებების მიწოდება მონაწილეებისათვის.
პროგრამის მიზნები:
- სპეციალისტებისთვის ქცევაზე დაკვირვების და მონაცემების დაფიქსირების ტექნიკების გაცნობა/სწავლება;
- ქცევის ფუნქციური ანალიზის მნიშვნელობის განმარტება;
- იმ მეთოდების სწავლება, რაც საჭიროა ფუნქციური ანალიზის ჩატარებისთვის;
- მონაცემების დათვლის პრინციპების სწავლება.
პროგრამის ფარგლებში განსახილველი ძირითადი თემები:
- ქცევაზე დაკვირვების ტექნიკები;
- დაკვირვების მეთოდები, ჩაწერის სახეები;
- ქცევის ფუნქციური ანალიზის რაობა და ჩატარების პრინციპები;
- ქცევის გაზომვის პროცედურები;
- მონაცემთა ვიზუალური ანალიზი.
ტრენინგკურსი მოამზადეს და ხელმძღვანელობენ:
სალომე მაზმიშვილი - რეგისტრირებული ქცევითი თერაპევტი, ფსიქოლოგიის მაგისტრი, ილიას სახელმწიფო უნივერსიტეტის ბავშვის განვითარების ინსტიტუტის ტრენინგცენტრის თანამშრომელი, აუტიზმის ცენტრის სუპერვიზორი, განათლებისა და მეცნიერების სამინისტროს მულტიდისციპლინური გუნდის წევრი.
თამარ სეხნიაშვილი - რეგისტრირებული ქცევითი თერაპევტი, ილიას სახელმწიფო უნივერსიტეტის ბავშვის განვითარების ინსტიტუტის ტრენინგცენტრის თანამშრომელი, აუტიზმის ცენტრის ქცევითი თერაპევტი, ქცევის გამოყენებითი ანალიზის BCaBA დონის დისტანციური სწავლების სრული კურსის კურსდამთავრებული.
✔ პროგრამის ხანგრძლივობა: 20 საათი
✔ ღირებულება: 350 ლარი
რეგისტრაციისთვის გადადით ბმულზე: https://goo.gl/R1ONT4
რეგისტრაციის ბოლო ვადაა: 28 ივნისი
დრო: 2-5 ივლისი; 10:00-16:00 საათი
ადგილმდებარეობა: ბავშვის განვითარების ინსტიტუტი, ილიას სახელმწიფო უნივერსიტეტის C კორპუსი (ჭავჭავაძის გამზ. #32)