![ტრენინგი „აქტიური სწავლა ამობრუნებულ საკლასო ოთახში“](https://iliauni.edu.ge/uploads/photo/cache/83/b52db52791669aba286d43f617cc7844_83619.png)
![ბავშვის განვითარების ინსტიტუტის ონლაინტრენინგი](https://iliauni.edu.ge/uploads/photo/cache/83/d152929bd658d26cbfce3660d2f84368_83079.png)
![ტრენინგი „საბაზისო კურსი ქცევის გამოყენებით ანალიზში“](https://iliauni.edu.ge/uploads/photo/cache/83/9a3835e90d5213d797288a1ff2a1081b_83054.png)
მასტერკლასების სერია: კვლევა პრაქტიკაში
ილიას სახელმწიფო უნივერსიტეტის ბიზნესის სკოლის მკვლევრები II და III კურსის სტუდენტებს 2016 წლის 6 მაისიდან სთავაზობენ 6-კვირიან მასტერკლასს: „კვლევა პრაქტიკაში“. სტუდენტები შეიძენენ კვლევის განხორციელებისთვის საჭირო უნარ-ჩვევებს, რაც უმნიშვნელოვანესია მათი სამეცნიერო და პრაქტიკული საქმიანობისთვის. გარდა ამისა, კვლევითი კომპეტენცია მონაწილეებს დაეხმარება ბიზნესპრობლემების სწორად განსაზღვრა-გაანალიზებისა და გადაჭრის პროცესში. მასტერკლასის ფარგლებში, სტუდენტები შეისწავლიან შემდეგ საკითხებს:
- კვლევის არსი და საჭიროება;
- კვლევის ტიპები;
- შერჩევის მეთოდები;
- კვლევის დიზაინი;
- კითხვარის შედგენა;
- ინტერვიუს ჩატარების ტექნიკა;
- მონაცემთა შეგროვება;
- მონაცემთა კოდირება;
- პასუხის გარეშე დარჩენილი კითხვარების პრობლემატიკა;
- მონაცემების დამუშავება;
- მონაცემთა ანალიზი და ანგარიშის მომზადება
მასტერკლასი ჩატარდება ინგლისურ ენაზე. სტუდენტები შეადგენენ კონკრეტულ ქეისთან დაკავშირებულ კითხვარს, შეაგროვებენ და გააანალიზებენ მონაცემებს. აქტიურ მონაწილეებს გადაეცემა სერტიფიკატები, ხოლო საუკეთესო შედეგების მქონე 5 სტუდენტი გახდება ილიაუნის ბიზნესის სკოლასთან ასოცირებული უმცროსი მკვლევარი და აქტიურად ჩაერთვება ბიზნესის სკოლის კვლევით პროექტებში.
დაინტერესებულმა სტუდენტებმა 15 აპრილამდე უნდა გამოაგზავნონ სამოტივაციო წერილი შემდეგ ელექტრონულ მისამართზე: lana.alibegashvili.1@iliauni.edu.ge
მონაწილეები შეირჩევა სამოტავაციო წერილისა და სარეიტინგო ქულის მიხედვით.
განაცხადის ბოლო ვადა: 15 აპრილი
მასტერკლასის დაწყების თარიღი: 3 მაისი
მონაწილეობის წინაპირობა: ინგლისური ენის ცოდნა
მონაწილეთა მაქსიმალური რაოდენობა: 12 სტუდენტი