![ტრენინგი „აქტიური სწავლა ამობრუნებულ საკლასო ოთახში“](https://iliauni.edu.ge/uploads/photo/cache/83/b52db52791669aba286d43f617cc7844_83619.png)
![ბავშვის განვითარების ინსტიტუტის ონლაინტრენინგი](https://iliauni.edu.ge/uploads/photo/cache/83/d152929bd658d26cbfce3660d2f84368_83079.png)
![ტრენინგი „საბაზისო კურსი ქცევის გამოყენებით ანალიზში“](https://iliauni.edu.ge/uploads/photo/cache/83/9a3835e90d5213d797288a1ff2a1081b_83054.png)
ცხადდება მიღება სასერთიფიკატო კურსზე - „რაოდენობრივ მონაცემთა სტატისტიკური დამუშავება SPSS-ის გამოყენებით“
ახალი ამბები
ილიას სახელმწიფო უნივერსიტეტის პიროვნული და პროფესიული განვითარების ცენტრი აცხადებს მიღებას სასერთიფიკატო კურსზე SPSS-სა და სტატისტიკაში - „რაოდენობრივ მონაცემთა სტატისტიკური დამუშავება SPSS-ის გამოყენებით“ .
კურსი განკუთვნილია საჯარო ან სხვა სფეროში დასაქმებულ პირთათვის (სტატისტიკოსი, სოციოლოგი, ჟურნალისტი, სტუდენტი, მკვლევარი), ვისაც საკუთარი საქმიანობის დროს შეხება აქვს ემპირიული მონაცემების დამუშავებასთან .
კურსის მიზანია, მსმენელებს შეასწავლოს კონკრეტული ამოცანების შესასრულებლად საჭირო მონაცემთა დამუშავების სტატისტიკური ხერხების გამოყენება SPSS-ში. კურსი ითვალისწინებს სტატისტიკისა და SPSS-ის, როგორც პროგრამული უზრუნველყოფის შერწყმულ შესწავლას.
სწავლება მიმდინარეობს პროფესიულ დონეზე, მცირერიცხოვან ჯგუფებში (10-15 მონაწილე). კურსს უძღვება კვალიფიციური პედაგოგი მრავალწლიანი პრაქტიკული გამოცდილებით. ტრენინგის განმავლობაში თეორიულ კომპონენტთან ერთად განსაკუთრებული აქცენტი გაკეთდება შესწავლილი მასალის პრაქტიკულ გამოყენებასა და შესაბამისი უნარ-ჩვევების ჩამოყალიბებაზე.
კურსის ფარგლებში შეისწავლება:
- ერთგანზომილებიანი სიხშირული ანალიზი;
- ჰიპოტეზათა შემოწმება;
- კორელაციური ანალიზი;
- წრფივი რეგრესიული ანალიზი.
- რეგრესიული ანალიზის გამოყენებასთან დაკავშირებული პრობლემები და მათი გადაჭრის გზები
კურსის ხანგრძლივობა: კურსი მოიცავს 24 საკონტაქტო საათს. რომლებიც გადანაწილდება 4 კვირის განმავლობაში.
ჩატარების დრო:კურსი დაიწყება 10 იანვარს.
კურსი ჩატარდება ოთხშაბათს და პარასკევს
ოთხშაბათი, 17.00-19.00 საათი
პარასკევი,18.00-20.00 საათი
ადგილმდებარეობა - ილიას სახელმწიფო უნივერსიტეტი ჩოლოყაშვილის 3/5
ღირებულება: 450 ლარი
კურსის წარმატებით დასრულების შემდეგ გაიცემა ილიას სახელმწიფო უნივერსიტეტის სერთიფიკატი.
რეგისტრაციის ბოლო ვადა - 5 იანვარი
სარეგისტრაციო ბმული - https://forms.gle/hc5F4zXp9StLZmB96
2023