ახალი ამბები

ილიას სახელმწიფო უნივერსიტეტის ბავშვის განვითარების ინსტიტუტი აცხადებს მიღებას განათლებისა და მეცნიერების მინისტრის ბრძანება No68/ნ-ით დამტკიცებულ „აღმზრდელ-პედაგოგთა პროფესიული განვითარების ტრენინგ-მოდულზე“.

2021 წლიდან ილიაუნი ამ მოდულის ოფიციალური მიმწოდებელია მასწავლებელთა პროფესიული განვითარების ეროვნული ცენტრის მიერ ჩატარებული კონკურსის საფუძველზე.

ტრენინგს გამართავენ  კონკურსით გამოვლენილი ტრენერები, ადრეული განათლების სპეციალისტები.

ტრენინგი ჩატარდება როგორც ონლაინ zoom-ის პლატფორმის საშუალებით, ასევე პირისპირ.

მიღებული  სერტიფიკატი ოფიციალურად აღიარებულია და დაეხმარება პირს აღმზრდელ-პედაგოგად მუშაობის დაწყებაში.

ტრენინგ-მოდული მოიცავს 66 საკონტაქტო საათს.

მისი მიზანია აღმზრდელ-პედაგოგთა გადამზადება და პროფესიული განვითარება.

პროგრამის ძირითადი თემები:

• ადრეული და სკოლამდელი აღზრდისა და განათლების მნიშვნელობა და ძირითადიპრინციპები;
• ბავშვის აღზრდისა და განათლების სტანდარტები;
• ადრეული და სკოლამდელი აღზრდისა და განათლების დაწესებულებების გარემოსა და სასწავლო-აღმზრდელობითი პროცესის ხარისხის სტანდარტი.

ლექციები გაიმართება დეკემბრიდან სამუშაო დღეებში დისტანციურად ან პირისპირ.

ცხრილი იხილეთ ლინკზე: https://shorturl.at/doDFZ

მსურველებს შეუძლიათ დარეგისტრირდნენ ბმულზე: https://forms.gle/FXWNH4cSQYMcNc5C8

კურსზე სწავლის საფასური: 450 ლარი

დამატებითი ინფორმაციისათვის დაგვიკავშირდით ტელ.: 595 69 99 91

2024