ახალი ამბები

მიმდინარე სასწავლო წლის გაზაფხულის სემესტრის დაწყებასთან ერთად, განახლდა საქართველოს სტუდენტური ჩემპიონატი კალათბურთში. ილიას სახელმწიფო უნივერსიტეტის გუნდმა ზედიზედ ორი შეხვედრა მოიგო: 27 მარტს ილიაუნელებმა უნივერსიტეტ „გეომედის“ წარმომადგენლებს სძლიეს დიდი ანგარიშით - 123:58, ხოლო 3 აპრილს სამედიცინო უნივერსიტეტის გუნდი დაამარცხეს ანგარიშით - 62:49.

ილიაუნის გუნდს ჩატარებული 7 შეხვედრიდან შვიდივე მოგებული აქვს და ჩემპიონატის ერთ-ერთ ფავორიტად ითვლება.