გუნდური მეწარმეობა ტექინოვაციებისთვის
კონკურსები
ილიას სახელმწიფო უნივერსიტეტი ბრიტანეთის საბჭოს მიერ დაფინანსებული პროგრამის ,,შემოქმედებითი ნაპერწკალი: სამეწარმეო განათლების პროგრამა უმაღლესი სასწავლებლებისთვის“ ფარგლებში და ბრისტოლის უნივერსიტეტთან თანამშრომლობით იწყებს განაცხადების მიღებას პროგრამის ,,გუნდური მეწარმეობა ტექინოვაციებისთვის“ ფარგლებში.
5-თვიანი პროგრამის განმავლობაში სტუდენტები იმუშავებენ ადგილობრივი ბაზრის გამოწვევების ინოვაციური გადაჭრის გზებზე.
სტუდენტურ გუნდებს მენტორობას გაუწევენ ილიას სახელმწიფო უნივერსიტეტისა და ბრისტოლის უნივერსიტეტის პროფესორ-ლექტორები.
სტუდენტებს საშუალება ექნებათ პროგრამის ფარგლებში გაეცნონ სტარტაპის შექმნის პრინციპებს და განივითარონ ბიზნესდაგეგმვის, იდეების გენერაციისა და პიჩინგის პრაქტიკული უნარ-ჩვევები.
ამასთან, გარდა თეორიული ცოდნისა, სტუდენტურ გუნდებს საშუალება ექნებათ მიიღონ კვალიფიციური დახმარება იდეების ტესტირებასა და პროტოტიპირებაში.
პროგრამა ინტერდისციპლინურია და სხვა საუნივერსიტეტო პროგრამებისგან განსხვავებით მასში მონაწილეობას მიიღებენ სხვადასხვა დისციპლინის სტუდენტები შემდეგი მიმართულებებიდან:
- ბიზნესი;
- განათლება;
- საბუნებისმეტყველო მეცნიერებები;
- მედიცინა;
- კომპიუტერული მეცნიერებები;
- ელექტრული და სამოქალაქო ინჟინერია.
მონაწილეთა რაოდენობა შეზღუდულია – პროგრამაში ჩაერთვება მხოლოდ 50 სტუდენტი.
პროგრამის მონაწილეები შეირჩევიან გასაუბრებით.
რეგისტრაციისთვის ეწვიეთ ბმულს: https://forms.gle/3Mz3PydCdMyDwR4LA
პროგრამის დაწყების თარიღი: 25 მაისი, 2021 წელი
სამუშაო ენები: ქართული, ინგლისური
რეგისტრაციის ვადა: 22 მაისი, 2021 წელი
დამატებითი ინფორმაციისთვის მოგვწერეთ: zoomout@iliauni.edu.ge