ახალი ამბები

2 აპრილს ილიას სახელმწიფო უნივერსიტეტმა უმასპინძლა გერმანიის გამოყენებითი მეცნიერებების უნივერსიტეტთა რექტორებისა და პრეზიდენტების დელეგაციას, რომელსაც ხელმძღვანელობდა გერმანიის აკადემიური გაცვლის სამსახურის (DAAD) გენერალური მდივნის მოადგილე, დოქტორი მიხაელ ჰარმსი.

დელეგაცია სამხრეთ კავკასიის ტურის ფარგლებში სომხეთის, აზერბაიჯანისა და საქართველოს უმაღლეს სასწავლებლებს ეწვევა. საქართველოში სტუმრების პირველ შეხვედრას ილიას სახელმწიფო უნივერსიტეტში  ესწრებოდნენ ილიაუნის საინჟინრო, საბუნებისმეტყველო მეცნიერებებისა და მედიცინის, არქიტექტურისა და დედამიწის შემსწავლელი მეცნიერებების მიმართულების პროფესორები.

შეხვედრაზე რაინ-მაინის გამოყენებითი მეცნიერებების უნივერსიტეტის ვიცე-პრეზიდენტმა, პროფესორმა ევა ვალერმა ისაუბრა გერმანული უმაღლესი განათლების სისტემისა და გამოყენებითი მეცნიერებების უნივერსიტეტთა როლის შესახებ. ილიას სახელმწიფო უნივერსიტეტის გაცნობითი სესიის შემდეგ გაიმართა პროფილური დისკუსიები გერმანულ მხარესთან სამომავლო თანამშრომლობის განხილვისა და ახალი ინიციატივების განვითარების მიზნით. დასასრულს სტუმრებმა მოინახულეს ილიაუნის ტექნოლოგიების კორპუსი და სასწავლო-საინჟინრო ლაბორატორიები.

2025