სიახლეები

გამოცხადდა მკვლევართა სასწავლო ტრენინგპროგრამის კონკურსი ტეხასის დალასის უნივერსიტეტისა (UT Dallas) და თბილისის სახელმწიფო უნივერსიტეტის ერთობლივი პროექტის ფარგლებში.

პროგრამა განკუთვნილია STEM-ის, ეკონომიკის, ბიზნესისა და სოციალური ფსიქოლოგიის მიმართულებების დოქტორანტურის საფეხურის სტუდენტებისა  და ახალბედა პროფესორებისთვის, რომლებმაც სადოქტორო დისერტაცია დაიცვეს არაუადრეს 2020 წლის 1-ელი იანვრისა.

პროგრამა მოიცავს ინგლისური ენის ორკვირიან კურსს, კვლევით სამუშაოს ტეხასის დალასის უნივერსიტეტის ლაბორატორიებში და სხვადასხვა ტრენინგს.

პროგრამა ითვალისწინებს:

• ორმხრივი მგზავრობის ბილეთის ანაზღაურებას;
• საცხოვრებლით, კვებითა და დალასში მოქმედი საზოგადოებრივი ტრანსპორტის აბონემენტით უზრუნველყოფას;
• ყოველდღიური ხარჯების დაფინანსებას.

სააპლიკაციო განაცხადის მიღების ბოლო ვადა: 2026 წლის 30 იანვრის 23:59 საათი (თბილისის დროით).

ინტერვიუ აპლიკანტებთან ჩატარდება 2026 წლის მარტის დასაწყისში. შერჩეული აპლიკანტები დალასში გაემგზავრებიან 2026 წლის მაისის ბოლოს და University of Texas in Dallas-ის კამპუსში გაატარებენ 8 კვირას. გამგზავრებამდე ორი თვით ადრე გამარჯვებული კანდიდატები უნდა დაესწრონ ვირტუალურ საორიენტაციო სესიებს.

პროგრამა დაფინანსებულია საქართველოში აშშ-ის საელჩოსა და აშშ-ის სახელმწიფო დეპარტამენტის მიერ.

დეტალური ინფორმაციისათვის ეწვიეთ ბმულს.

2025