სიახლეები

ტარტუს უნივერსიტეტი ორგანიზებას უწევს საგანმანათლებლო ონლაინკურსს „განათლების ცვლილება სწრაფი ტექნოლოგიური ინოვაციების ხანაში“. პროგრამა 2021 წლის 1 ნოემბრიდან 3 დეკემბრამდე გრძელდება. კურსი კონცენტრირებულია თანამედროვე განათლების გამოწვევების გამოკვლევაზე და მისი მიზანია, ხელი შეუწყოს სწავლებისა და სწავლის მეთოდების ახლებურ წარმოდგენას ციფრული ტრანსფორმაციებისა და ტექნოლოგიური ინოვაციების კონტექსტში.

პროგრამის შესახებ დეტალური ინფორმაცია იხილეთ: https://bit.ly/3AqfyCp

კურსისთვის, რომლის საფასურია 250 ევრო, სტიპენდიის მოპოვება შეუძლიათ საქართველოს მოქალაქეებს – საბაკალავრო (მე-3 სემესტრიდან), სამაგისტრო და სადოქტორო საფეხურის სტუდენტებს.

სტიპენდია უზრუნველყოფილია ესტონეთის საგარეო საქმეთა სამინისტროს „განვითარების სფეროში თანამშრომლობის“ პროგრამის ფარგლებში.

დაინტერესების შემთხვევაში გთხოვთ შეავსოთ განაცხადის ფორმა შემდეგი დოკუმენტების თანდართვით:

• ვიდეოკლიპი (მაქსიმუმ 5 წუთი) პროგრამისთვის „Educational Change in Times of Rapid Technological Innovation“;
• ნიშნების ფურცელი;
• პასპორტის ასლი;
• CV.

განაცხადის წარდგენის ბოლო ვადაა 2021 წლის 17 ოქტომბერი.

2021 წელი