სიახლეები

ვიტაუტას მაგნუსის უნივერსიტეტი (ლიეტუვა) აცხადებს კონკურსს ლიეტუვური ენისა და კულტურის საზაფხულო კურსზე სახელმწიფო სტიპენდიების მოსაპოვებლად.

საზაფხულო კურსი გაიმართება 2024 წლის 6 ივლისიდან 4 აგვისტომდე. 4 კვირის მანძილზე მონაწილეები დაესწრებიან ლიეტუვური ენის კურსებს, სხვადასხვა სოციო-კულტურული შინაარსის ლექციებს, მონაწილეობას მიიღებენ გასვლით ტურებსა და კულტურული ძეგლების მონახულებაში.

სტიპენდიის ფარგლებში

• საზაფხულო კურსებზე სწავლის საფასურს დაფარავს ლიეტუვის რესპუბლიკა;
• მონაწილეები მიიღებენ 825 ევროს ოდენობის სტიპენდიას.

პრიორიტეტი მიენიჭებათ იმ კანდიდატებს, რომლებსაც:

• ლიეტუვური ენისა და კულტურის საზაფხულო კურსებზე პირველად შეაქვთ განაცხადი;
• მშობლიურ უნივერსიტეტში ფორმალურად ან არაფორმალურად სწავლობენ ლიეტუვურ ენას, ისტორიასა და კულტურას (აღნიშნული უნდა დასტურდებოდეს შესაბამისი დოკუმენტით).

განაცხადის წარდგენის ბოლო ვადაა 2024 წლის 1 მარტი.

დეტალური ინფორმაციის მისაღებად ეწვიეთ ბმულს: https://balticsummeruniversity.com/

შეკითხვებით მიმართეთ ვიტაუტას მაგნუსის უნივერსიტეტს ელ-ფოსტაზე: bsu@vdu.lt

2024