საქართველოს ფუტსალის ლიგა 2 - მესამე ტურის შედეგები
ახალი ამბები
საქართველოს ფუტსალის ლიგა 2-ში ილიაუნის გუნდმა ზედიზედ მეორე გამარჯვება მოიპოვა. მესამე ტურის მატჩში ჩვენი მეტოქე იყო საქართველოს უნივერსიტეტი. დაძაბული შეხვედრა 3-2 დასრულდა, რის შემდეგაც სატურნირო ცხრილში 6 ქულით მეორე პოზიციას ვიკავებთ.
სტუდენტურ დერბიში ილიაუნის რიგებიდან თითო-თითო გოლი ნიკოლოზ ბოლქვაძემ, ირაკლი გაბისკირიამ და გიორგი ნათენაძემ გაიტანეს.
ფუტსალის ლიგა 2-ის III ტურის სიმბოლურ ნაკრებში ილიაუნის გუნდიდან ნიკოლოზ ბოლქვაძე და ნიკა ნოზაძე მოხვდნენ. ტურის საუკეთესო მოთამაშე კვლავ ჩვენი გუნდიდან დასახელდა. ამჯერად ეს ტიტული ილიაუნის მეკარე ნიკა ნოზაძეს ერგო.
IV ტურში ილიაუნი 2 თბილისის სახელმწიფო უნივერსიტეტის მეორე გუნდს დაუპირისპირდება. მატჩი 20 ნოემბერს, 16:00 საათზე, ქუთაისის სპორტის სასახლეში გაიმართება.
2021 წელი