ილიაუნის ფუტსალის გუნდის წევრები ევროპის ახალგაზრდულ ჩემპიონატზე
ახალი ამბები
საქართველოს ფუტსალის 19 წლამდელთა ნაკრები 16 მარტიდან უეფას ევროპის ჩემპიონატზე ასპარეზობას იწყებს.
ილიაუნის ფუტსალის გუნდიდან ჩვენი ქვეყნის ღირსებას დაიცავს ოთხი მოთამაშე: ლაშა კურტანიძე, ნიკოლოზ ბოლქვაძე, ბექა გოგსაძე და გაიოზ ლაგაზაშვილი.
საქართველო ტურნირზე მეხუთე ჯგუფში სლოვაკეთსა და რუმინეთთან ერთად არის განთესილი. ჯგუფის მეოთხე წევრი იყო რუსეთი, მაგრამ FIFA-ს საბჭოსა და UEFA-ს აღმასრულებელი კომიტეტის გადაწყვეტილებით რუსეთს ეროვნულ და საკლუბო ჩემპიონატებზე მონაწილეობა აეკრძალა.
ფინალურ ეტაპზე თამაშის უფლებას მოიპოვებენ ჯგუფის პირველადგილოსნები, რომლებიც მასპინძელ ესპანეთს ¼ ფინალებში შეუერთდებიან.
ილიაუნელები ნაკრებთან ერთად უკვე რუმინეთში არიან და პირველი მატჩისთვის ემზადებიან.
„ჯვაროსნები“ პირველ შეხვედრას 16 მარტს, საქართველოს დროით 20:30 საათზე, რუმინეთის წინააღმდეგ გამართავენ - https://bit.ly/3i6VG0f
17მარტს, 20:30 საათზე, კი საქართველო სლოვაკეთს დაუპირისპირდება - https://bit.ly/3IeJQf8
სტუდენტურ საქმეთა დეპარტამენტი ილიაუნელებს და ჩვენი ქვეყნის ნაკრებს ევროპის ჩემპიონატზე წარმატებულ ასპარეზობას უსურვებს.
ერთად ვუგულშემატკივროთ საქართველოს ევროპის ჩემპიონატზე.
2022 წელი