სპორტული სიახლეები

ილიაუნის სტუდენტურ საქმეთა დეპარტამენტის ინიციატივით ილიას სახელმწიფო უნივერსიტეტის 2018 წლის ჩემპიონატი გაიმართა ჭადრაკში. საპრიზო ადგილებისთვის შვეიცარიული სისტემით შვიდ ტურად 44 გოგონა და ვაჟი იბრძოდა. ბოლო რაუნდის წინ 5.5-5.5 ქულით ნოდარ მანაგაძე და დავით მოლაშხია ლიდერობდნენ, მაგრამ ფინიშზე ორივე დამარცხდა. მანაგაძეს მეცნიერებათა და ხელოვნების ფაკულტეტის პირველკურსელმა გიგი აბსარიძემ აჯობა, შვიდი შესაძლებლობიდან 6 ქულა მოაგროვა და ჩემპიონობა შეინარჩუნა. აღსანიშნავია, რომ სხვადასხვა ასაკში საქართველოს მრავალგზის პრიზიორმა, მსოფლიოს და ევროპის პირველობების მონაწილემ შარშან ილიაუნის საშემოდგომო ჩემპიონატიც მოიგო. აბსარიძემ ერთადერთი პარტია წააგო ადა ქაქუთიასთან, რომელმაც 5 ქულით გოგონებში ყველას აჯობა. 5.5-5.5 ქულითა და დამატებითი მაჩვენებლების გათვალისწინებით მეორე-მესამე ადგილებზე, შესაბამისად, ნოდარ მანაგაძე და დავით მოლაშხია გავიდნენ.

შეჯიბრების გამარჯვებულს სპორტულმა მაღაზია Joma-მ 100-ლარიანი ვაუჩერი გადასცა, ხოლო ფიტნესკლუბმა Fit Town-მა – ერთთვიანი ულიმიტო აბონემენტი.

ჭადრაკის ჩემპიონატის ფოტომასალა: https://goo.gl/NsXkFh