სიახლეები

ილიას სახელმწიფო უნივერსიტეტსა და საქართველოს უზენაეს სასამართლოს შორის გაფორმებული ურთიერთთანამშრომლობის მემორანდუმის ფარგლებში 2015 წლის 26 და 27 თებერვალს ილიას სახელმწიფო უნივერსიტეტის სამართლის სკოლის დამამთავრებელი კურსის სტუდენტებმა სასწავლო კურსის - „სასამართლო უნარ-ჩვევები“ - ფინალური გამოცდის სახით იმიტირებული სასამართლო პროცესები გამართეს. იმიტირებულ სასამართლო პროცესში მონაწილე 10 გუნდი ერთმანეთს დაუპირისპირდა აშშ-ის იურისტთა ასოციაციის მიერ შემუშავებულ საქმეზე - „საქართველო დავითის წინააღმდეგ“.

სასამართლოს სხდომას თავმჯდომარეობდა იურისტი გოგა ცეკვავა. პროცესს ასევე უძღვებოდნენ აშშ-ის იურისტთა ასოციაციის ტრენერები და სამართლის სკოლის მოწვეული ლექტორები: ნათია ბოკუჩავა და გიორგი ტურაზაშვილი.