![აღმოსავლეთ პარტნიორობის სამართლის სკოლების შეხვედრა თემაზე „გენდერული მეინსტრიმინგი“](https://iliauni.edu.ge/uploads/photo/cache/84/31241db3cd6c9a908ff76181cc396cb1_84230.png)
![კონკურსი 2024-2025 წლის საერთაშორისო სამართლის იმიტირებულ პროცესში მონაწილეობისთვის](https://iliauni.edu.ge/uploads/photo/cache/84/123116c8c0fbca14e5c42aecc1292265_84211.png)
![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
„საქართველოს სისხლის სამართლის საპროცესო კოდექსის პირველი კომენტარი“ - წიგნის პრეზენტაცია
ღონისძიებები
11 აპრილს, 14:00 საათზე, ილიას სახელმწიფო უნივერსიტეტის წიგნის სახლში „ლიგამუსი“, ილიაუნის სამართლის სკოლის ორგანიზებით, გაიმართება წიგნის - „საქართველოს სისხლის სამართლის საპროცესო კოდექსისპირველი კომენტარი“ - პრეზენტაცია.
პრეზენტაციას გაუძღვებიან: ABA ROLI-ს (ამერიკის იურისტთა ასოციაციის კანონის უზენაესობის ინიციატივა) საქართველოს ოფისის სამხარეო დირექტორის მოადგილე - მამუკა მამაცაშვილი; სისხლის სამართლის საპროცესოკოდექსის კომენტარების წიგნის რედაქტორი - გიორგი გიორგაძე; თანაავტორები - გიორგი თუმანიშვილი და დავით კვაჭანტირაძე.
ABA ROLI-ს წარმომადგენლები ილიას სახელმწიფო უნივერსიტეტის ბიბლიოთეკას საჩუქრად გადასცემენ წიგნებს.
„საქართველოს სისხლის სამართლის საპროცესო კოდექსის პირველი კომენტარი“, ერთი წლის მუშაობის შედეგად, 2015 წელს გამოსცა ABA ROLI-ს საქართველოს წარმომადგენლობამ ამერიკის შეერთებული შტატებისსახელმწიფო დეპარტამენტის საერთაშორისო ანტინარკოტიკული და სამართალდაცვითი პროგრამების ბიუროს (INL) ფინანსური და ტექნიკური მხარდაჭერით.
ABA ROLI-ს მიერ შექმნილ სამუშაო ჯგუფში შედიოდა მართლმსაჯულების ყველა რგოლი (სასამართლო, პროკურატურა და ადვოკატთა კორპუსი), ასევე - აკადემიური წრის წარმომადგენლები. წიგნი მიზნად ისახავს,სრულყოფილად გააანალიზოს სისხლის სამართლის საპროცესო კოდექსი, რომელიც მნიშვნელოვან დახმარებას გაუწევს პრაქტიკოს იურისტებს, მოსამართლეებს და სხვა პროფესიონალებს სისხლის სამართლის საპროცესოკოდექსის სათანადო გამოყენებაში.
დრო: 11 აპრილი, 14:00 საათი
ადგილმდებარეობა: ილიას სახელმწიფო უნივერსიტეტის წიგნის სახლი „ლიგამუსი“ (ჭავჭავაძის გამზ. #32)