სიახლეები

2017 წლის 20 ივლისს გაიხსნა კონსტიტუციური და ადამიანის უფლებათა სამართლის საზაფხულო სკოლა. საზაფხულო სკოლა, რომლის ორგანიზატორები არიან საქართველოს საკონსტიტუციო სასამართლო და ილიას სახელმწიფო უნივერსიტეტის სამართლის სკოლა, მიმდინარეობს EU4Justice: სასამართლოს მხარდაჭერის პროექტის, ევროკავშირის პროექტისა და USAID-ის მიერ დაფინანსებული პროგრამის „კანონის უზენაესობის მხარდაჭერა საქართველოში“ (EWMI/PROLoG) ფინანსური მონაწილეობით. სკოლა თბილისსა და ბათუმში 3 აგვისტოს ჩათვლით იმუშავებს.

პროექტის ფარგლებში სამართლის საზაფხულო სკოლის მონაწილეებს შეხვდა საქართველოს პრეზიდენტი გიორგი მარგველაშვილი. პრეზიდენტმა სტუდენტებთან საკონსტიტუციო რეფორმის პროცესზე საუბრისას აღნიშნა, რომ ქვეყანაში დინამიკური საკონსტიტუციო რეფორმა მიმდინარეობს.