სიახლეები

სამართლის სკოლის სამაგისტრო პროგრამების შიდასაუნივერსიტეტო გამოცდების საბოლოო შედეგები წარმოდგენილია აპელაციის გათვალისწინებით. იხილეთ პროგრამების მიხედვით ძირითადი სია და სარეზერვო სია. 

• კერძო (ბიზნეს) სამართლის სამაგისტრო პროგრამა (ძირითადი. სია)  (სარეზერვო სია)
• საჯარო სამართლისა და პოლიტიკის სამაგისტრო პროგრამა (ძირითადი. სია) (სარეზერვო სია)
• სისხლის სამართლის სამაგისტრო პროგრამა (ძირითადი. სია)  (სარეზერვო სია)

მაგისტრანტობის ის კანდიდატები, რომლებიც ძირითად სიაში მოხვდნენ, ხელშეკრულების გასაფორმებლად უნდა გამოცხადნენ 2020 წლის 16, 17 და  18 სექტემბერს,  10:00-დან 18:00 საათამდე, ილიას სახელმწიფო უნივერსიტეტის A408 აუდიტორიაში (მისამართი: ი. ჭავჭავაძის გამზ. N32).

2020 წლის 18 სექტემბერის 18 საათამდე ძირითადი სიების მიხედვით მაგისტრანტობის კანდიდატთა გამოუცხადებლობის შემთხვევაში ხელშეკრულება გაუფორმდებათ სარეზერვო სიაში მყოფ კანდიდატებს რეიტინგის გათვალისწინებით. კონკრეტული ინფორმაცია ხელმოწერის ვადებისა და დროის შესახებ განთავსდება 2020 წლის 18 სექტემბერს უნივერსიტეტის ვებგვერდზე. სარეზერვო სიებიდან კანდიდატებთან ხელშეკრულება გაფორმდება 2020 წლის 21 და 22 სექტემბერს (კონკრეტული კანდიდატებისთვის მითითებული კონკრეტული დროის გათვალისწინებით).

ხელშეკრულების გაფორმებისას წარმოსადგენი დოკუმენტების სია:

მაგისტრანტობის კანდიდატმა ხელშეკრულების გასაფორმებლად უნდა წარმოადგინოს რეგისტრაციის ბაზაში ატვირთული ყველა დოკუმენტი და დამატებით ქვემოთ ჩამოთვლილი დოკუმენტები, ასევე თან უნდა იქონიოს პირადობის დამადასტურებელი დოკუმენტის ორიგინალი:

ა) უმაღლესი იურიდიული განათლების დამადასტურებელი დოკუმენტის, დიპლომის სანოტარო წესით დამოწმებული ასლი. უცხოეთში მიღებული უმაღლესი განათლების შემთხვევაში – განათლების ხარისხის განვითარების ეროვნული ცენტრის მიერ გაცემული განათლების აღიარების დოკუმენტი;

ბ) მაგისტრანტობის კანდიდატმა, რომელსაც უმაღლეს საგანმანათლებლო დაწესებულებაში ჩარიცხვის მომენტისათვის არ გააჩნია კანონმდებლობით დადგენილი წესით აღიარებული აკადემიური უმაღლესი განათლების დამადასტურებელი დოკუმენტი – დიპლომი, წარმოადგინოს უმაღლესი საგანმანათლებლო დაწესებულების მიერ ბაკალავრის აკადემიური ხარისხის მინიჭების თაობაზე გაცემული ცნობა, რომელშიც მითითებული უნდა იყოს კვალიფიკაციის მინიჭების შესახებ გადაწყვეტილების (ოქმის) ნომერი და თარიღი, იმ პირობით, რომ ჩარიცხვიდან ერთი სემესტრის დასრულებამდე წარმოადგენს კანონმდებლობით დადგენილი წესით აღიარებულ აკადემიური უმაღლესი განათლების დამადასტურებელ დოკუმენტს – დიპლომს;

გ) ხელშეკრულებაზე ხელმოწერის მიზნით საბუთების მინდობილი პირის მიერ წარმოდგენის შემთხვევაში, მინდობილმა პირმა უნდა წარმოადგინოს სანოტარო წესით გაფორმებული მინდობილობა;

დ) 1 ცალი ფოტოსურათი ზომით 3X4.  

იმ შემთხვევაში, თუ მაგისტრანტი დადგენილ ვადაში არ წარმოადგენს კანონმდებლობით დადგენილი წესით აღიარებულ აკადემიური უმაღლესი განათლების დამადასტურებელ დოკუმენტს, დიპლომს, მისი ჩარიცხვის შესახებ ბრძანება ბათილი იქნება გამოცემის მომენტიდან.