სიახლეები

15 იანვარს, 13:00 საათზე, A101-ე აუდიტორიაში ჩატარდება ილიას სახელმწიფო უნივერსიტეტის სამართლის ფაკულტეტის სტუდენტთა პირველი სამეცნიერო კონფერენციის დასკვნითი ეტაპი.

კონფერენციაზე წარმოდგენილი იქნება იმ სტუდენტთა ნაშრომები, რომლებმაც გაიარეს კონფერენციის პირველი ეტაპი, რაც გულისხმობდა შესაბამის დარგში მომუშავე ექსპერტების მიერ ნაშრომების შეფასებას.  ფინალურ ეტაპზე დაშვებულ იქნა ნაშრომები, რომლებმაც გადალახეს 41ქულა (60 ქულიდან).

კონფერენციის ფინალურ ეტაპზე წარმოდგენილია შემდეგი ნაშრომები:

•    სამართლებრივი სიკეთის ხელყოფა უსაფუძვლო გამდიდრების თვალსაზრისით - ავთო ნაცვალაძე;
•    დეკრეტული შვებულების სამართლებრივი მიმოხილვა - თეონა ფურცხვანიძე;
•    ქართული საპროცესო შეთანხმების ინსტიტუტი და საერთაშორისო ასპექტები - ბესიკ ქვარცხავა;
•    აგრესია, როგორც არასრულწლოვანთა დანაშაულის ერთ-ერთი გამომწვევი მიზეზი (აგრესიულ ფონზე ჩადენილ დანაშაულთა პრევენცია) - მარიამ ქართლელიშვილი;
•    ადამიანის უფლებები - გამოწვევები და პერსპექტივები საქართველოში (აზრის თავისუფლება) - გიორგი გრძელიძე;
•    საკონსტიტუციო ცვლილებები საქართველოში - კარლო გოდოლაძე;
•    საქართველოში ბავშვის შვილად აყვანასთან დაკავშირებული პრობლემების სამართლებრივი ანალიზი - ოთარ ხუციშვილი;
•    "სინჯარის ბავშვები" - თეონა ხუციშვილი.

კონფერენციის ფინალურ ეტაპზე მოხდება აღნიშნულ ნაშრომებზე მუშაობისას მიღებული შედეგების გაცნობა და გაიმართება სამეცნიერო კითხვა-პასუხი.

სტუდენტები შეფასდებიან 40 ქულის ფარგლებში. მიღებული შეფასება დაჯამდება კონფერენციის პირველ ეტაპზე მიღებულ შეფასებასთან და გამარჯვებულები გამოვლინდებიან ჯამური ქულის მიხედვით.

კონფერენციაზე დასწრება თავისუფალია.