![აღმოსავლეთ პარტნიორობის სამართლის სკოლების შეხვედრა თემაზე „გენდერული მეინსტრიმინგი“](https://iliauni.edu.ge/uploads/photo/cache/84/31241db3cd6c9a908ff76181cc396cb1_84230.png)
![კონკურსი 2024-2025 წლის საერთაშორისო სამართლის იმიტირებულ პროცესში მონაწილეობისთვის](https://iliauni.edu.ge/uploads/photo/cache/84/123116c8c0fbca14e5c42aecc1292265_84211.png)
![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
ქალი უფლებადამცველები ილიაუნიში
ღონისძიებები
5 და 8 დეკემბერს, ილიას სახელმწიფო უნივერსიტეტის სამართლის სკოლა, აღმოსავლეთ-დასავლეთის მართვის ინსტიტუტის პროგრამასთან - „კანონის უზენაესობის მხარდაჭერა საქართველოში“ (PROLoG) - თანამშრომლობით, აწყობს პანელურ დისკუსიებს სახელწოდებით: „ქალი უფლებადამცველები ილიაუნიში“. ამ ღონისძიებებით, სამართლის სკოლა უერთდება გენდერული ძალადობის წინააღმდეგ ბრძოლის 16-დღიან კამპანიას, რომელიც 25 ნოემბრიდან 10 დეკემბრამდე - ანუ ქალთა მიმართ ძალადობის აღკვეთის საერთაშორისო დღიდან ადამიანის უფლებათა საერთაშორისო დღემდე - მიმდინარეობს.
პანელურ დისკუსიებში მონაწილეობას მიიღებენ ცნობილი უფლებადამცველი ქალები, რომლებიც როლური მოდელები არიან.
5 დეკემბრის პანელური დისკუსიის მონაწილეები:
- ეკატერინე იმერლიშვილი (ფემინისტთა დამოუკიდებელი ჯგუფი)
- ბაია პატარაია (ორგანიზაცია „საფარი“)
- ანა ნაცვლიშვილი (ახალგაზრდა იურისტთა ასოციაცია)
- ეკატერინე სხილაძე (სახალხო დამცველის ოფისი)
8 დეკემბრის პანელური დისკუსიის მონაწილეები:
- მარიამ მიქიაშვილი (ორგანიზაცია „მირიანი“)
- ნინო ბაიდაური (პლატფორმა ახალი შესაძლებლობებისთვის)
- ანა აბაშიძე (პარტნიორობა ადამიანის უფლებებისთვის)
- ნათია გვიანიშვილი (ქალთა ინიციატივების მხარდამჭერი ჯგუფი)
დისკუსიათა მოდერატორი: თამარ გურჩიანი - ილიას სახელმწიფო უნივერსიტეტის სამართლის სკოლის ასოცირებული პროფესორი, ადამიანის უფლებათა მიმართულების ხელმძღვანელი
დისკუსიათა თემატიკა:
- გენდერული ძალადობა და სექსუალური შევიწროება საქართველოში;
- უმცირესობათა ჯგუფების წარმომადგენელი და შეზღუდული შესაძლებლობის მქონე ქალების უფლებები.
დრო და ადგილმდებარეობა:
5 დეკემბერი, 19:00 საათი, ილიაუნის წიგნის სახლი „ლიგამუსი“ (ჭავჭავაძის გამზ. #32)
8 დეკემბერი, 19:00 საათი, ილიაუნის A101 აუდიტორია (ჭავჭავაძის გამზ. #32)
დასწრება თავისუფალია.
2016 წელი