![აღმოსავლეთ პარტნიორობის სამართლის სკოლების შეხვედრა თემაზე „გენდერული მეინსტრიმინგი“](https://iliauni.edu.ge/uploads/photo/cache/84/31241db3cd6c9a908ff76181cc396cb1_84230.png)
![კონკურსი 2024-2025 წლის საერთაშორისო სამართლის იმიტირებულ პროცესში მონაწილეობისთვის](https://iliauni.edu.ge/uploads/photo/cache/84/123116c8c0fbca14e5c42aecc1292265_84211.png)
![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
„კონსტიტუციური მოწყობის მნიშვნელობა მედეგი დემოკრატიისთვის: შესაძლებლობები და შეზღუდვები“ – პროფესორ ტომ გინსბურგის საჯარო ლექცია
ღონისძიებები
24 ნოემბერს, 18:30 საათზე, წიგნის სახლში „ლიგამუსი“ ჩიკაგოს უნივერსიტეტის შედარებითი კონსტიტუციური სამართლისა და საერთაშორისო სამართლის პროფესორი ტომ გინსბურგი წაიკითხავს საჯარო ლექციას „კონსტიტუციური მოწყობის მნიშვნელობა მედეგი დემოკრატიისთვის: შესაძლებლობები და შეზღუდვები“.
შესაძლებელია თუ არა კონსტიტუციურმა მოწყობამ უზრუნველყოს დემოკრატიის მედეგობა? – ამ მთავარ შეკითხვას მიეძღვნება ლექცია.
შემდეგ გაიმართება დისკუსია, რომელსაც მოდერაციას გაუწევს ილიას სახელმწიფო უნივერსიტეტის პროფესორი გია ნოდია.
პროფესორ გია ნოდიას კვლევის ინტერესები ეხება ნაციონალიზმს, დემოკრატიზაციასა და, ზოგადად, პოლიტიკური განვითარების პრობლემატიკას.
ლექცია-დისკუსიის ორგანიზატორია ილიას სახელმწიფო უნივერსიტეტის სამართლის სკოლა დემოკრატიისა და საარჩევნო დახმარების საერთაშორისო ინსტიტუტთან (International IDEA) თანამშრომლობით.
სამუშაო ენა: ინგლისური
დრო: 24 ნოემბერი, 18:30 საათი
ადგილმდებარეობა: წიგნის სახლი „ლიგამუსი", ი. ჭავჭავაძის გამზ. N32
დასწრება თავისუფალია.
2023 წელი