ილიაუნის სამართლის სკოლის ადამიანის უფლებათა კლინიკის წლიური საქმიანობის მიმოხილვა
ღონისძიებები
7 დეკემბერს, 19:00 საათზე, ილიაუნის სამართლის სკოლის ადამიანის უფლებათა კლინიკა აღმოსავლეთ-დასავლეთის მართვის ინსტიტუტის პროგრამასთან „კანონის უზენაესობის მხარდაჭერა საქართველოში” (USAID/PROLoG) თანამშრომლობით გიწვევთ წლიური საქმიანობის პრეზენტაციაზე.
კლინიკა 2018-2019 სასწავლო წლიდან ფუნქციონირებს და მისი მთავარი მისია სამართლებრივი ცოდნის შექმნა, გადაცემა, გამოყენება, სტუდენტებისთვის ადამიანის უფლებების სფეროში სწავლების თეორიული, პრაქტიკული და საადვოკატო უნარ-ჩვევების გამომუშავება, იურიდიული აზროვნების განვითარება და ღირებულებების ჩამოყალიბებაა.
ღონისძიებაზე სამართლის სკოლის პროფესორები, სტუდენტები და სტუმრები მიმოიხილავენ ადამიანის უფლებათა კლინიკის 2019-2020 წლების საქმიანობას, კლინიკის წარმატებულ საქმეებსა და გამოწვევებს.
მომხსენებლები:
ნუცა მაზანაშვილი, ილიაუნის სამართლის სკოლის ადამიანის უფლებათა მიმართულების მკვლევარი და სამართლის სკოლის სტუდენტი
ირაკლი ფორჩხიძე, ილიაუნის სამართლის სკოლის დეკანი
თამარ გურჩიანი, ილიაუნის სამართლის სკოლის ასოცირებული პროფესორი
მოდერატორი:
ანა აფციაური, ილიაუნის სამართლის სკოლის სტუდენტი
ღონისძიება გაიმართება Zoom-ის ფორმატში. დასასწრებად გთხოვთ გაიაროთ რეგისტრაცია ბმულზე: https://forms.gle/Yo7e2cKTu6QFqgsm7
დრო: 7 დეკემბერი, 19:00 საათი
2020 წელი