სიახლეები

“ჭავჭავაძის ადვოკატირებისა და პროფესიული ეთიკის შეჯიბრი სტუდენტებისთვის” ილიას სახელმწიფო უნივერსიტეტის სამართლის სკოლისა დ მასთან არსებული კონსტიტუციური კვლევების ცენტრის პროექტია, რომელიც მიზნად ისახავს პროფესული ეთიკის შესახებ ცოდნის გავრცელებას საქართველოში; შეჯიბრი შესაძლებლობას მისცემს სტუდენტებს, გამოიკვლიონ ეთიკის სტანდარტები, შეაფასონ პროფესიული ქცევა და მოძებნონ პრობლემების სამართლიანი გადაწყვეტის გზები.

– შეჯიბრში მონაწილეობის მიღება შეუძლიათ საქართველოში მოქმედი ნებისმიერი უმაღლესი საგანმანათლებლო დაწესებულების საბაკალავრო და სამაგისტრო საფეხურის სტუდენტებს სამკაციან (ერთი უნივერსიტეტიდან) გუნდებად  (მონაწილე არ უნდა იყოს მოქმედი ადვოკატი);

– I და II ადგილზე გასულ გუნდს გადაეცემა თასი, გუნდის თითოეულ წევრს – ილიაუნის წიგნის სახლ „ლიგამუსის” ვაუჩერი, ხოლო  III და IV ადგილზე გასულ გუნდის წევრებს  – სიმბოლური საჩუქრები.

შეჯიბრის ეტაპები:

• გაეცანით შეჯიბრის წესებს, იქაა მოცემული შეჯიბრის თარიღები
• მსურველება სარეგისტრაციო ფორმა უნდა შეავსოთ
• – შემდგომ ეტაპზე, რეგისტრირებულმა გუნდებმა, უნდა მოამზადონ წერილობითი პოზიცია შეჯიბრის ორგანიზატორების მიერ მათთვის მიწოდებული საქმის შესახებ, რის საფუძველზეც, ზეპირ განხილვებში მონაწილეობის მისაღებად, შეირჩევა რვა გუნდი (შედეგების გასაჩივრება შესაძლებელია);
• – ზეპირი განხილვების ეტაპზე გუნდები საკუთარ პოზიციას წარმოადგენენ ეთიკის კომისიის იმიტირებულ პროცესზე. ზეპირი მოსმენა ჩატარდება ორ რაუნდად: პირველ რაუნდში ფინალისთვის შეირჩევა ოთხი გუნდი, ფინალში კი გამოვლინდება I, II, III  და IV ადგილზე გასული გუნდები;
• შეჯიბრის ორივე ეტაპი ტარდება ქართულ ენაზე (მონაწილე გუნდებს შეუძლიათ უცხოენოვანი მრჩევლის აყვანა);
• ნებისმიერი თარიღის ცვლილების შესახებ წინასწარ ეცნობებათ მონაწილეებს, თარიღის ცვლილება არ დაარღვევს სამართლიანი შეჯიბრის პრინციპს;
• შეჯიბრის ჩატარების დეტალურ წესები შეგიძლიათ იხილოთ თანდართულ ფაილში:  შეჯიბრის წესები

შეჯიბრის სამართლიანად წარმართვას უზრუნველყოფენ მოწვეული პროფესორები და იურისტები, რომლებიც შეაფასებენ ნამუშევრებს და მონაწილეების კომპეტენციას, წინასწარ გაწერილი და გამოქვეყნებული წესების მიხედვით.

2023 წელი