![აღმოსავლეთ პარტნიორობის სამართლის სკოლების შეხვედრა თემაზე „გენდერული მეინსტრიმინგი“](https://iliauni.edu.ge/uploads/photo/cache/84/31241db3cd6c9a908ff76181cc396cb1_84230.png)
![კონკურსი 2024-2025 წლის საერთაშორისო სამართლის იმიტირებულ პროცესში მონაწილეობისთვის](https://iliauni.edu.ge/uploads/photo/cache/84/123116c8c0fbca14e5c42aecc1292265_84211.png)
![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
ადმინისტრაციული სამართლის კვირეული
ახალი ამბები
ილიაუნის სამართლის სკოლა და იურიდიული პროფესიის განვითარების ცენტრი აწყობს ადმინისტრაციულ სამართლის კვირეულს. კვირეულის ფარგლებში, ჩატარდება 5-დღიანი ტრენინგი ადმინისტრაციული სამართლის პრობლემატურ საკითხებზე.
ტრენინგს გაუძღვებიან ტრენერები:
- ეკა კაველიძე - ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი, საქართველოს რეგიონალური განვითარების სამინისტროს სამართალშემოქმედებითი დეპარტამენტის წამყვანი სპეციალისტი; მოწვეული ლექტორი (ევროპის უნივერსიტეტი, კავკასიის საერთაშორისო უნივერსიტეტი);
- გოგა კიკილაშვილი - ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი, საქართველოს იუსტიციის სამინისტროს გენერალური ინსპექციის მრჩეველი, მოწვეული ლექტორი (თბილისის სახელმწიფო უნივერსიტეტი, სასწავლო ეროვნული უნივერსიტეტი - ასისტენტი).
- მიხეილ ქურდოვანიძე - ივანე ჯავახიშვილის სახელობის თბილისის სახელმწიფო უნივერსიტეტის დოქტორანტი, გაერთიანებული წყალმომარაგების კომპანიის ინფორმაციული ტექნოლოგიების განვითარების დეპარტამენტის უფროსი, მოწვეული ლექტორი (ილიას სახელმწიფო უნივერსიტეტი, თბილისის სახელმწიფო უნივერსიტეტი, კავკასიის უნივერსიტეტი).
კვირეულის ფარგლებში მონაწილეებს ჩაუტარდებათ 4-დღიანი სასწავლო კურსი ადმინისტრაციული სამართლის პრობლემურ საკითხებთან დაკავშირებით. თემატიკა განაწილდება შემდეგნაირად:
I დღე - ადმინისტრაციული სამართლის ძირითადი პრინციპები
საჯარო მმართველობის არსი და მნიშვნელობა;
საჯარო მმართველობის ორგანიზაციული მოწყობა;
ადმინისტრაციული სამართლის ცნება, დანიშნულება და სისტემა;
ზოგადი ადმინისტრაციული სამართლის პრინციპები:
- თანაზომიერების პრინციპი;
- კანონის წინაშე თანასწორობის პრინციპი;
- უფლებამოსილების განხორციელება კანონის საფუძველზე;
- საქმის მიუკერძოებლად გადაწყვეტა;
- საქვეყნოობისა და საიდუმლოების პრინციპი;
- კეთილსინდისიერებისა და კანონიერი ნდობის პრინციპები;
- დისკრეციული უფლებამოსილება.
II დღე- საჯარო ინფორმაცია
- ინფორმაციის თავისუფლების არსი და დანიშნულება;
- საჯარო ინფორმაციის სამართლებრივი მოწესრიგება;
- საჯარო ინფორმაციის გამოთხოვა და გაცემა;
- საჯარო ინფორმაციის არსებობისა და მიწოდების ფორმები;
- ღია და დახურული საჯარო ინფორმაცია;
- საჯარო ინფორმაციის გაცემის ვადები;
- კოლეგიური საჯარო დაწესებულებების სხდომების საჯაროობა;
- უფლების დაცვის სამართლებრივი საშუალებები.
პერსონალური მონაცემები
- პერსონალური მონაცემის ცნება და მნიშვნელობა;
- პერსონალური მონაცემების გაცემის საფუძვლები;
- პერსონალური მონაცემების დამუშავების წესი და საფუძვლები;
- პერსონალური მონაცემების დამუშავების/გაცემის წესები;
- პასუხისმგებლობა პერსონალური მონაცემების დამუშავება/გაცემის წესების დარღვევისათვის;
- უფლების დაცვის სამართლებრივი საშუალებები.
III დღე - სამართალშემოქმედება:
- სამართლებრივი აქტის ცნება და სახეები:
- სამართლებრივი აქტის ცნება;
- ინდივიდუალური სამართლებრივი აქტის ცნება;
- ინდივიდუალური ადმინისტრაციულ-სამართლებრივი აქტის ფორმა და რეკვიზიტები;
- ინდივიდუალური ადმინისტრაციულ-სამართლებრივი აქტის დასაბუთება;
- ინდივიდუალური ადმინისტრაციულ-სამართლებრივი აქტის ძალაში შესვლა და აქტის გამოქვეყნება;
- ინდივიდუალური ადმინისტრაციულ-სამართლებრივი აქტის გამოქვეყნების და ოფიციალური გაცნობის წესი;
- საჯაროდ გამოცხადება;
- შეცდომების გასწორება ინდივიდუალურ ადმინისტრაციულ-სამართლებრივ აქტში.
- მოქმედი ინდივიდუალური სამართლებრივი აქტის განხილვა:
ნორმატიული სამართლებრივი აქტი:
- ნორმატიული სამართლებრივი აქტის ცნება, სახეები და იერარქია;
- ნორმატიული სამართლებრივი აქტის მიღების (გამოცემის) უფლებამოსილების მქონე ორგანოები;
- ნორმატიული აქტის მოქმედების სფერო;
- ნორმატიული აქტის რეკვიზიტები.
- კანონქვემდებარე ნორმათშემოქმედება:
- კანონქვემდებარე ნორმატიული აქტის ცნება;
- კანონქვემდებარე ნორმატიული აქტის გამოცემის უფლება და გამოცემის უფლების დელეგირება;
- კანონქვემდებარე ნორმატიული აქტის მომზადებისა და მიღების (გამოცემის) ზოგადი წესი;
- მარტივი ადმინისტრაციული წარმოება (ადმინისტრაციული წარმოების ზოგადი წესები)
- ადმინისტრაციული წარმოების დაწყების საფუძველი
- ადმინისტრაციულ წარმოებაში მონაწილე სუბიექტები და მათი უფლება მოვალეობანი
- საქმის გარემოებათა გამოკვლევა და გადაწყვეტილების მიღება
- ფორმალური ადმინისტრაციული წარმოება
- ფორმალური ადმინისტრაციული წარმოების გამოყენების წინაპირობა
- დაინტერესებული მხარის მონაწილეობა ფორმალურ ადმინისტრაციულ წარმოებაში
- მოწმის და ექსპერტის მონაწილეობა ფორმალურ ადმინისტრაციულ წარმოებაში
- ზეპირი მოსმენა
- ფორმალური ადმინისტრაციული წარმოების შედეგები
- საჯარო ადმინისტრაციული წარმოება
- საჯარო ადმინისტრაციული წარმოების გამოყენება
- საჯარო გაცნობის შესახებ ცნობის გამოქვეყნება და საკუთარი მოსაზრების წარდგენის წესი
- ზეპირი მოსმენის ჩატარების წესი
- ინდივიდუალური ადმინისტრაციულ-სამართლებრივი აქტის გამოქვეყნება
- ადმინისტრაციული წარმოება კოლეგიურ ადმინისტრაციულ ორგანოში
- კოლეგიური ადმინისტრაციული ორგანოს მიერ გამოსაყენებელი ადმინისტრაციული წარმოების განსაზღვრის წესი
- კოლეგიური ადმინისტრაციული ორგანოს სხდომის ჩატარების წესი
- კოლეგიური ადმინისტრაციული ორგანოს მიერ ნორმატიული ადმინისტრაციულ-სამართლებრივი აქტის მიღება
- საზოგადოებრივი ექსპერტის და საზოგადოების მონაწილეობა კოლეგიური ადმინისტრაციული ორგანოს მიერ ნორმატიული ადმინისტრაციულ- სამართლებრივი აქტის მიღებაში.
V დღე - ადმინისტრაციული წარმოება ადმინისტრაციულ საჩივართან დაკავშირებით და ადმინისტრაციული აქტის აღსრულება
- ადმინისტრაციული საჩივრის წარდგენა და გასაჩივრების უფლების მქონე სუბიექტები
- ადმინისტრაციულ წარმოებაში მონაწილე სუბიექტების უფლება- მოვალეობები
- ადმინისტრაციული საჩივრის განხილვის ვადა და პროცედურა;
- აღსრულების პროცედურა;
- აღსრულების სახეები.
ტრენინგები დაიწყება 18:00 საათზე და დასრულდება 22:00 საათზე. მონაწილეები უშუალოდ ჩაერთვებიან ადმინისტრაციული სამართლის პრობლემური საკითხების განხილვაში.
ტრენინგებში მონაწილეობის მიღება შეუძლიათ უნივერსიტეტის საბაკალავრო საფეხურის მე-2, მე-3 და მე-4 კურსის სტუდენტებს.
სტუდენტების შერჩევა მოხდება მათ მიერ წარმოდგენილი რეზიუმეებისა და სამოტივაციო წერილების საფუძველზე. მონაწილეობა უფასოა.
ტრენინგების მონაწილეებს გადაეცემათ სერტიფიკატები.
დაინტერესებულ პირებს ვთხოვთ , რეზიუმე და სამოტივაციო წერილი გადმოაგზავნონ შემდეგ ელექტრონულ მისამართზე: econtact.lpdc@gmail.com
განაცხადის გაკეთების ბოლო ვადაა: 2016 წლის 24 აპრილის ჩათვლით.