![აღმოსავლეთ პარტნიორობის სამართლის სკოლების შეხვედრა თემაზე „გენდერული მეინსტრიმინგი“](https://iliauni.edu.ge/uploads/photo/cache/84/31241db3cd6c9a908ff76181cc396cb1_84230.png)
![კონკურსი 2024-2025 წლის საერთაშორისო სამართლის იმიტირებულ პროცესში მონაწილეობისთვის](https://iliauni.edu.ge/uploads/photo/cache/84/123116c8c0fbca14e5c42aecc1292265_84211.png)
![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
ადამიანის უფლებების სამართლის საუნივერსიტეტო კვირეული
ღონისძიებები
2016 წლის 5-10 დეკემბერს, თბილისში ჩატარდება ადამიანის უფლებების სამართლის საუნივერსიტეტო კვირეული, რომლის ერთ-ერთი თანაორგანიზატორია ილიას სახელმწიფო უნივერსიტეტი. კვირეულის ფარგლებში დაგეგმილ საჯარო ლექციებსა და დისკუსიებში - მონაწილეობას მიიღებენ ადამიანის უფლებათა დამცველი სამთავრობო თუ არასამთავრობო ორგანიზაციები და აკადემიური სფეროს წარმომადგენლები.
კვირეულის ფარგლებში, ილიას სახელმწიფო უნივერსიტეტში დაგეგმილია შემდეგი ღონისძიებები:
პანელური დისკუსია: გენდერზე დაფუძნებული ძალადობა და სექსუალური შევიწროება საქართველოში
დრო და ადგილმდებარეობა: 5 დეკემბერი, 19:00 საათი, ილიას სახელმწიფო უნივერსიტეტის წიგნის სახლი „ლიგამუსი“ (ჭავჭავაძის გამზ. #32)
მომხსენებლები:
- ეკატერინე იმერლიშვილი - ფემინისტების დამოუკიდებელი ჯგუფი;
- ბაია პატარაია - ორგანიზაცია „საფარი“;
- ანა ნაცვლიშვილი - საქართველოს ახალგაზრდა იურისტთა ასოციაცია;
- ეკატერინე სხილაძე - საქართველოს სახალხო დამცველის ოფისი.
პანელური დისკუსია: „უმცირესობათა ჯგუფების წარმომადგენელი და შეზღუდული შესაძლებლობის მქონე ქალების უფლებები“
დრო და ადგილმდებარეობა: 8 დეკემბერი, 19:00 საათი, ილიას სახელმწიფო უნივერსიტეტის A101 აუდიტორია (ჭავჭავაძის გამზ. #32)
მომხსენებლები:
- მარიამ მიქიაშვილი - არასამთავრობო ორგანიზაცია „მირიანი“;
- ნინო ბაიდაური - „პლატფორმა ახალი შესაძლებლობებისთვის“;
- ანა აბაშიძე - „პარტნიორობა ადამიანების უფლებებისთვის“;
- ნათია გვიანიშვილი - „ქალთა ინიციატივების მხარდამჭერი ჯგუფი“.
დისკუსიების მოდერატორია თამარ გურჩიანი - ილიას სახელმწიფო უნივერსიტეტის ასოცირებული პროფესორი, ადამიანის უფლებათა მიმართულების ხელმძღვანელი.
დასწრება თავისუფალია.
ადამიანის უფლებების სამართლის საუნივერსიტეტო კვირეულის ფარგლებში დაგეგმილი ღონისძიებების სრული განრიგი იხილეთ თანდართულ დოკუმენტში.