სიახლეები

ილიას სახელმწიფო უნივერსიტეტის საბუნებისმეტყველო მეცნიერებებისა და მედიცინის ფაკულტეტის ასოცირებული პროფესორის, ბიძინა კაპანაძის სტატია დაიბეჭდა ასტროფიზიკის ერთ-ერთ წამყვან გამოცემაში Monthly Notices of the Royal Astronomical Society (იმპაქტ-ფაქტორი: 5).

კვლევა „1ES 1218+304–ის ხანგრძლივი მრავალსიხშირული დაკვირვებები: გამოსხივების ნაკადისა და სპექტრის ცვალებადობის ფიზიკური საფუძვლები“ (Long-term multiwavelength observations of 1ES 1218+304: physical implications of the flux and spectral variability) ეძღვნება სამყაროს ერთ-ერთი ყველაზე მაღალენერგიული ასტროფიზიკური ობიექტის, ბლაზარ 1ES 1218+304-ის შესწავლას.

პუბლიკაციის თანაავტორია მიჩიგანის უნივერსიტეტის პროფესორი მარგო ალერი, თავად დაკვირვებების ნაწილი პროფ. ბიძინა კაპანაძის ორგანიზებით განხორციელდა. გაანალიზდა 2005-2024 წლებში NASA-ს ასტრონომიული თანამგზავრების “Swift” და “Fermi” მეშვეობით მიღებული მრავალსიხშირული მონაცემები, რომლებიც მოიცავს გამა, რენტგენულ, ულტრაიისფერ და ოპტიკურ დიაპაზონებს.

სტატია მნიშვნელოვან წვლილს შეიტანს ბლაზარების – გალაქტიკათა აქტიური ბირთვების ერთ-ერთი კლასის – ფიზიკური მახასიათებლებისა და ევოლუციის უკეთ გაგებაში. ავტორის მიერ წარმოდგენილი მონაცემები განსაკუთრებით ღირებულია, რადგან ექსტრემალური ასტროფიზიკური პროცესების ამოცნობისა და მოდელირების ახალ პერსპექტივებს ხსნის.

ვრცლად სტატიაზე იხილეთ ბმული: https://doi.org/10.1093/mnras/staf653

Oxford University Press

2025