სიახლეები

კარპატების სამეცნიერო ქსელი და კავკასიის მთის რეგიონის სამეცნიერო ქსელი გაერთიანდნენ კარპატებისა და კავკასიის მეცნიერთა დასაკავშირებლად, აკადემიური და სამეცნიერო ინსტიტუტების გასაძლიერებლად და ამ ქვეყნებში კვლევის გასაუმჯობესებლად.

24 ივნისს კავკასიის მთის რეგიონის ქსელმა, რომელიც წარმოდგენილია სამეცნიერო მართვის ჯგუფის მიერ, და კარპატების სამეცნიერო ქსელმა, წარმოდგენილმა სამეცნიერო მართვის კომიტეტის მიერ, ხელი მოაწერეს ურთიერთთანამშრომლობის მემორანდუმს. თანამშრომლობა მიზნად ისახავს ინფორმაციის გაცვლას, წარმატებული მაგალითების გაზიარებას, ასევე ერთობლივი ღონისძიებების შემუშავებას, დაფინანსებასა და განხორციელებას ორივე ქსელის ამოცანების მისაღწევად.

The Science for the Carpathians Network (S4C) და The Scientific Network for the Caucasus Mountain Region (SNC-mt) (სამდივნო Sustainable Caucasus) ორივე მკვლევართა ქსელია, რომლებიც მუშაობენ მთიან რეგიონებში მსგავსი მიზნებით. მათი კვლევის დღის წესრიგი მოიცავს მსგავს საკითხებს და იკვლევს ამ მთიანი რეგიონების სოციალურ-ეკონომიკურ სისტემებს. ქსელების მუშაობას მხარს უჭერს გაეროს გარემოსდაცვითი პროგრამის ვენის ოფისი, კარპატებისა და კარპატების კონვენციის სამდივნო, რომელიც მუშაობს საერთაშორისო მთის ეკოსისტემებზე. ამ პარტნიორ ორგანიზაციებს ორივე ქსელის წარმოსაჩენად დრო და რესურსები აქვთ დახარჯული.

მემორანდუმს ხელი მოეწერა საერთაშორისო სამეცნიერო კონფერენციის მე-6 ფორუმზე. International Scientific Conference 6^th Forum Carpaticum. კარპატიკუმის ფორუმი, კარპატების სამეცნიერო ინიციატივის მიერ ორგანიზებული ღია სამეცნიერო შეხვედრა, აერთიანებს ცენტრალური ევროპის მეცნიერებს, განსაზღვრავს რეგიონის კვლევის პრიორიტეტებს, წარმოადგენს კვლევის შედეგებს, რომლებიც შეიძლება გამოყენებული იყოს რეგიონში პოლიტიკის გატარებისას და აფართოებს საერთაშორისო თანამშრომლობას კარპატების გარეთ.

ორივე S4C და SCN-mt კოორდინირებას უწევს თავიანთ აქტივობებს და თანამშრომლობს მთის კვლევით ინიციატივასთან, ალპებში კვლევის საერთაშორისო სამეცნიერო კომიტეტსა და სხვა შესაბამის სამეცნიერო ქსელებთან, თუმცა, ამავე დროს, იღებს ვალდებულებას, განავითაროს სამეცნიერო და ტრანსდისციპლინური მიდგომები, შესაბამისი კარპატებისა და კავკასიის რეგიონების კონტექსტებისთვის.  

ქსელებს შორის თანამშრომლობა უზრუნველყოფს კვლევისა და თანამშრომლობის კოორდინირებას სხვადასხვა დისციპლინასა და ქვეყანას შორის, წარმოაჩენს პანკარპატულ კვლევის არეალს, უზრუნველყოფს კვლევითი შესაძლებლობების განვითარებასა და კვლევას, პოლიტიკასა და პრაქტიკას შორის დიალოგის ჩამოყალიბებას, ასევე კვლევის უნარების განვითარებას კავკასიის რეგიონში (სომხეთი, აზერბაიჯანი, საქართველო, ირანის ისლამური რესპუბლიკა, რუსეთის ფედერაცია, თურქეთი), რათა უზრუნველყოს კავკასიის წარმოჩენა ევროპულ და გლობალურ კონტექსტში, განამტკიცოს კავშირი მეცნიერებს, პრაქტიკოსებს და გადაწყვეტილებათა მიმღებებს შორის და კვლევა დაუკავშიროს მდგრადი განვითარებისა და გარემოს დაცვის საჭიროებებს.

2021 წელი