სიახლეები

ილიას სახელმწიფო უნივერსიტეტის ზოოლოგიის ინსტიტუტის მკვლევრებმა შალვა ბარჯაძემ და ეთერ მაღრაძემ გერმანიის იოჰანეს გუტენბერგის უნივერსიტეტის ორგანული და მოლეკულურ-ევოლუციური ბიოლოგიის ინსტიტუტის ემერიტუს პროფესორ იოჰან მარტენსთან ერთად აღწერეს Nemaspela kotia (Martens & Maghradze & Barjadze, 2023), მეცნიერებისათვის ახალი მთიბავის (Opiliones) სახეობა კოტიის მღვიმიდან (ჭიათურა, იმერეთი).

ახალი სახეობა N. kotia, ტიპური მღვიმური სახეობა მხედველობისა და პიგმენტის გარეშე, ჩვენს პლანეტაზე ჯერჯერობით მხოლოდ კოტიის მღვიმეშია ნანახი.

სტატია გამოქვეყნდა მაღალრეიტინგულ ჟურნალ Zootaxa-ში.

სტატიაში ასევე წარმოდგენილია ახალი ადგილი Nemaspela melouri Martens, Maghradze & Sh. Barjadze, 2021-ისთვის სოლკოტის მღვიმეში (წყალტუბოს მუნიციპალიტეტი).

 2023 წელი