სიახლეები

ილიას სახელმწიფო უნივერსიტეტის მეცნიერებათა და ხელოვნების ფაკულტეტის ადმინისტრაცია აცხადებს სტაჟირებას 2016 წლის ერთიანი ეროვნული გამოცდებისა და საერთო სამაგისტრო გამოცდის შედეგად ჩარიცხულ აბიტურიენტთა/მაგისტრანტობის კანდიდატთა რეგისტრაციის პროცესში მონაწილეობის მისაღებად.

სტაჟირების პირობები:

• ვაკანტური ადგილების რაოდენობა: 10;
• სტაჟირების ვადა: 2016 წლის 10 აგვისტო - 10 ოქტომბერი;
• გაიცემა სერტიფიკატი;
• სტაჟირება არაანაზღაურებადია.

სტაჟიორის ფუნქციები:

2016 წლის ერთიანი ეროვნული გამოცდებისა და საერთო სამაგისტრო გამოცდის შედეგად ჩარიცხულ ბაკალავრთა და მაგისტრანტობის კანდიდატთა სარეგისტრაციო პროცესში მონაწილეობა, კერძოდ: სარეგისტრაციო ბაზაში მონაცემების შეყვანა; ხელშეკრულების გაფორმების პროცესში ფაკულტეტის ადმინისტრაციის თანამშრომელთა ასისტირება; საინფორმაციო შეხვედრებისას სტუდენტთა დახმარება; სატელეფონო და ზეპირი საინფორმაციო ხასიათის კონსულტაციების გაწევა.

კონკურსში მონაწილეობა შეუძლიათ ილიას სახელმწიფო უნივერსიტეტის მეცნიერებათა და ხელოვნების ფაკულტეტის სწავლების საბაკალავრო და სამაგისტრო საფეხურების სტუდენტებს, ასევე, 2015-2016 სასწავლო წლის კურსდამთავრებულებს.

გთხოვთ, CV და სამოტივაციო წერილი გადმოაგზავნოთ ელექტრონულ მისამართზე: vacancy@iliauni.edu.ge

საბუთების მიღების ბოლო ვადაა: 2016 წლის 31 ივლისი.