ვაკანსიები

ილიას სახელმწიფო უნივერსიტეტი აცხადებს კონკურსს ენების ცენტრში შემდეგ ვაკანსიებზე:

1. დირექტორის თანაშემწე

მოვალეობები:

•    ფასიანი სწავლების (ონლაინ) კურსების დაგეგმვა და კურირება;
•    უცხო ენების და ქართულის, როგორც უცხო ენის, შესწავლის მსურველთა დაკვალიანება/ინფორმაციის მიწოდება კურსების შესახებ, როგორც პირადად, ასევე ტელეფონით და ელ.ფოსტის საშუალებით;
•    ფასიანი (სასერტიფიკატო) კურსების მასწავლებელთა ურთიერთდასწრების გეგმის შემუშავება და განხორციელებისთვის ხელშეწყობა;
•    ფასიანი (სასერტიფიკატო) კურსების ევალუაცია: მონაწილეთა და მასწავლებელთა კითხვარების შემუშავება და ევალუაციის განხორციელება;
•    გამოკითხვაზე დამყარებული ევალუაცია უნივერსიტეტის ხარისხის სამსახურთან თანამშრომლობით;
•    უცხოელ ლექტორებთან თანამშრომლობა: სხვადასხვა პროექტების განხორციელებისას მათთვის დახმარების გაწევა;
•    ენების ცენტრის არაპროგრამული აქტივობების/ღონისძიებების ორგანიზებაში დახმარება (მაგ. კულტურის საღამოები, ენის კლუბები და მისთ.)

კვალიფიკაცია:

•    უმაღლესი განათლება განათლების მენეჯმენტის სფეროში; უპირატესობად ჩაითვლება გერმანიაში მიღებული უმაღლესი განათლების დიპლომი განათლების მენეჯმენტში ან განათლებასთან დაკავშირებულ სფეროში.
•    სასურველია გამოცდილება სოციოლოგიური კვლევის სფეროში: კითხვარების შედგენა და ევალუაცია, მონაცემთა ბაზის შექმნა/დამუშავება;
•    გამოცდილება Windows და Microsoft Office, Internet-ში ინფორმაციის მოძიებაში
•    სასურველია ინგლისური ენის ცოდნა.

სხვა მოთხოვნები:

•    გერმანიაში მიღებული უმაღლესი განათლების ქონის შემთხვევაში, უპირატესობა მიენიჭებათ იმ კანდიდატებს, რომელთა საქართველოში დაბრუნებიდან არ იქნება გასული 1 წელიწადზე მეტი.
•    გუნდური მუშაობის უნარი, კომუნიკაბელურობა;
•    მაღალი პასუხისმგებლობა და პუნქტუალურობა;
•    ანალიზის და დამოუკიდებლად გადაწყვეტილების მიღების უნარი საკუთარი კომპეტენციის ფარგლებში;
•    მოტივაციის, ინიციატივის და საქმისადმი შემოქმედებითად მიდგომის უნარი.

წარმოსადგენი საბუთების ნუსხა:

•    სამოტივაციო წერილი;
•    CV;
•    პასპორტის ასლი;
•    დიპლომის ასლი;
•    ცნობა სამუშაო ადგილიდან (ასეთის არსებობის შემთხვევაში);
•    რეკომენდაცია.

2. მარკეტინგის და/ან ვებ-მარკეტინგის სპეციალისტი

 მოვალეობები:

•    ენების ცენტრის ყველა მიმართულებისთვის მარკეტინგული გეგმის შემუშავება;
•    ენების ცენტრისთვის დასახული (ვებ) მარკეტინგული გეგმის განხორციელება;
•    საინფორმაციო შეხვედრების დაგეგმვა და ორგანიზება;
•    დაინტერესებული სტუდენტების და უცხო პირებისთვის ინფორმაციის მიწოდება ენების ცენტრის კურსების შესახებ.

კვალიფიკაცია:

•    უმაღლესი განათლება მარკეტინგის სფეროში; უპირატესობად ჩაითვლება გერმანიაში მიღებული განათლება ეკონიმიკის, კერძოდ მარკეტინგის და/ან ვებ-მარკეტინგის სფეროში; სასურველია კანდიდატის საქართველოში დაბრუნებიდან არ იყოს გასული ერთ წელზე მეტი.
•    სასურველია ინგლისური ენის ცოდნა.

სხვა მოთხოვნები:

•    გუნდური მუშაობის უნარი;
•    მაღალი პასუხისმგებლობის გრძნობა და პუნქტუალურობა;
•    ანალიზის და დამოუკიდებლად გადაწყვეტილების მიღების უნარი;
•    მოტივაცია და ინიციატივა.

წარმოსადგენი საბუთების ნუსხა:

სამოტივაციო წერილი
•    CV;
•    პასპორტის ასლი;
•    დიპლომის ასლი;
•    ცნობა სამუშაო ადგილიდან (ასეთის არსებობის შემთხვევაში);
•    რეკომენდაცია (უნივერსიტეტიდან ან დამსაქმებლისგან).

3. სტაჟიორი განათლების მენეჯმენტის სფეროში

მოვალეობები:

•    გამოკითხვის წარმოება;
•    ურთიერთდასწრების პროცესის, კითხვარების ევალუაციაში დახმარება;
•    დახმარება ონლაინ-კურსების ორგანიზებაში.

საკვალიფიკაციო მოთხოვნები:

•    უმაღლესი განათლება განათლების მენეჯმენტის სფეროში; უპირატესობად ჩაითვლება სწავლა გერმანიაში ან გამოცდილების ქონა გერმანიაში, განათლების მენეჯმენტის ან განათლებასთან/პედაგოგიკასთან დაკავშირებულ სფეროში;
•    MS Windows და Microsoft Office, Internet-ის ცოდნა;
•    სასურველია ინგლისური ენის ცოდნა;
•    გუნდური მუშაობის პრინციპების ცოდნა;
•    მაღალი პასუხისმგებლობის გრძნობა და პუნქტუალურობა.

წარმოსადგენი საბუთების ნუსხა:

•    სამოტივაციო წერილი;
•    CV;
•    პასპორტის ასლი;
•    დიპლომის ასლი;
•    ცნობა სამუშაო ადგილიდან (ასეთის არსებობის შემთხვევაში);
•    რეკომენდაცია (უნივერსიტეტიდან ან დამსაქმებლისგან).

4. სტაჟიორი ვებ-მარკეტინგის სფეროში

 მოვალეობები:

•    ენების ცენტრის ვებ-მარკეტინგის გეგმის განხორციელებაში დახმარება;
•    ენების ცენტრის ვებ-გვერდის კურირება;
•    ონლაინ-კურსების ფორმატის გაუმჯობესებაში დახმარება.

საკვალიფიკაციო მოთხოვნები:

•    განათლება საინფორმაციო ტექნოლოგიების, IT ან ვებ-მარკეტინგის განხრით; უპირატესობად ჩაითვლება ამ მიმართულებით სწავლა გერმანიაში;
•    სასურველია ინგლისური ენის ცოდნა;
•    გუნდური მუშაობის პრინციპების ცოდნა;
•    მაღალი პასუხისმგებლობის გრძნობა და პუნქტუალურობა.

წარმოსადგენი საბუთების ნუსხა:

•    სამოტივაციო წერილი;
•    CV;
•    პასპორტის ასლი;
•    დიპლომის ასლი;
•    ცნობა სამუშაო ადგილიდან (ასეთის არსებობის შემთხვევაში);
•    რეკომენდაცია (უნივერსიტეტიდან ან დამსაქმებლისგან).

საბუთების წარდგენის ბოლო ვადაა 2011 წლის 4 დეკემბერი.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის-ცენტრის, დასაქმების, დაბინავებისა და სტიპენდიების განყოფილებას მისამართზე: ჭავჭავაძის №32, ოთახი №C220 ტელ.: 229 47 11.