ვაკანსიები

კომპანიას "კლასიკა" ესაჭიროება სასიამოვნო გარეგნობის ახალგაზრდები დამხმარე ბუღალტრის ვაკანსიაზე. კანდიდატების არჩევა მოხდება გასაუბრებისა და ტესტირების საფუძველზე. გასაუბრება ჩატარდება 2 ეტაპად.

 სამუშაო გრაფიკი: სრული, კვირაში 6 დღე, 10:00-დან 19:00 საათამდე.
 ხელფასი: 500 ლარი. კომპანია ითვალისწინებს ხელფასისა და პროფესიულ ზრდას.
 გათვალისწინებულია მსუბუქი ლანჩი კომპანიის ხარჯზე.

 აუცილებელი მოთხოვნები:

•    დახვეწილი მეტყველება;
•    "ექსელის" კარგად ცოდნა (ჩატარდება ტესტირება "ექსელში")
•    ანალიტიკური და მათემატიკური უნარ-ჩვევები;
•    ლიდერული და კომუნიკაბელური უნარ-ჩვევები;
•    შეფერხებების გადალახვის უნარი;
•    უმაღლესი განათლება;
•    უცხო ენის ცოდნა (სასურველია; უპირატესობა მიენიჭებათ ინგლისური ენის მცოდნეთ);
•    სალაროსთან, სასაქონლო ზედნადებებთან და ანგარიშფაქტურებთან მუშაობის გამოცდილება;
•    ერთ ადგილზე მუშაობის 2 წლიანი უწყვეტი სტაჟი (აუცილებელი პირობა);
•    რეკომენდაცია წინა სამსახურიდან (მიიღება კომპანიის პირველი პირის რეკომენდაცია, სახელი, გვარი, ორგანიზაციის ტელეფონი და რეკომენდატორის მობილური).

 ამ მოთხოვნების გათვალისწინების გარეშე გამოგზავნილი განაცხადები არ განიხილება.

 მოვალეობები:

•    სალაროსთან მუშაობა, თანხის მიღება;
•    დოკუმენტაციის მომზადება;
•    სასაქონლო ზედნადებებისა და ანგარიშფაქტურების გამოწერა;
•    ყოველდღიური გაყიდვებისა და სხვა რეპორტების მომზადება;
•    სხვა ვალდებულებები საქმიანობიდან გამომდინარე.

 გასაუბრებისა და ტესტირების საფუძველზე არჩეული კანდიდატები გაივლიან ორ კვირიან უფასო ტრენინგებს. ეტაპის გავლის შემთხვევაში გაუფორმდებათ ხელშეკრულება და გაივლიან ერთ თვიან სტაჟირება-სწავლების ეტაპს ხელფასით 300 ლარი. მე-2 ეტაპის გავლის შემდეგ მათ დაენიშნებათ ხელფასი 500 ლარის ოდენობით. ხელშეკრულების დარღვევისას გათვალისწინებულია სანქციები.

 პერსონალის დაწინაურება მაღალანაზღაურებად პოზიციაზე მოხდება ინდივიდუალურად, კვალიფიკაციის, უნარ-ჩვევებისა და ცოდნის მიხედვით.

 დაინტერესებულმა კანდიდატებმა სასურველია მოგვაწოდონ CV, აუცილებლად 3x4 ზომის სურათთან ერთად, მისამართზე: თბილისი, ალ. ყაზბეგის გამზირი 14ბ, ან გამოაგზავნონ ელ. ფოსტით მისამართზე: contact@classica.com.ge არაუგვიანეს 2012 წლის 31 აგვისტოსი.

 ორივე შემთხვევაში, სურათის გარეშე CV არ განიხილება. არჩევისას უპირატესობა მიენიჭებათ კანდიდატებს, რომლებიც ადგილზე, პირადად წარმოადგენენ საკუთარ CV-ს.

 ტელეფონით არანაირი ინფორმაცია არ გაიცემა. დამატებითი ინფორმაციის მისაღებად გთხოვთ, მობრძანდეთ მისამართზე: თბილისი, ალ. ყაზბეგის გამზირი 14ბ.