ვაკანსიები

საქართველოს ავტორთა საზოგადოება აცხადებს სტაჟირების პროგრამას ილიას სახელმწიფო უნივერსიტეტის მაგისტრატურის სტუდენტებისათვის. საქართველოს ავტორთა საზოგადოება (სას) არის არამომგებიანი, არასამთავრობო ორგანიზაცია. „საავტორო და მომიჯნავე უფლებების შესახებ“ საქართველოს კანონით მას მინიჭებული აქვს სპეციალური სტატუსი – „ქონებრივი უფლებების კოლექტიურ საფუძველზე მმართველი ორგანიზაცია“. ორგანიზაციის მიზანია საქართველოში საავტორო კანონმდებლობის დაცვა და საავტორო უფლებების დაცვის კულტურის ამაღლება.

სტაჟირების პროგრამაში მონაწილეობის მიღება შეუძლიათ სამართლის, ანგლისტიკის, უცხო ენების, ბიზნესის მიმართულებების (სურვილის შემთხვევაში სხვა სპეციალობის) მაგისტრანტებს, ვინც დაინტერესებულია, ან დაინტერესდება ადამიანის უფლებების დაცვით, ინტელექტუალური საკუთრების, კერძოდ – საავტორო უფლებების დაცვის საკითხებით.

საჭირო მოთხოვნები:
•    სტაჟიორის ინტერესთა სფერო - მუსიკის, კინოს, თეატრის, ლიტერატურის, სახვითი ხელოვნების დარგები;   
•    კრეატიულობა;
•    მოლაპარაკებების წარმოებისა და დარწმუნების უნარი;
•    პირადად ან გუნდთან ერთად მოსარგებლეებთან სალიცენზიო შეთანხმებების გაფორმების უნარი;
•    კეთილსინდისიერება;
•    საზოგადოების იმიჯზე ზრუნვა;
•    ავტორის/შემოქმედის პატივისცემა;
•    ინტერნეტის საშუალებების მაქსიმალურად გამოყენების სურვილი და შესაძლებლობა.

კანდიდატებმა  რეზიუმეების (CV) ელექტრონული ვერსია  მოგვაწოდეთ ილიას სახელმწიფო უნივერსიტეტის დასაქმების, დაბინავებისა და სტიპენდიების განყოფილებაში 2010 წლის 9 ნოემბრამდე.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის  გამზ. №32, ოთახი C 220,  ტელ.: 822 29 47 11.