ვაკანსიები

შინაგან საქმეთა სამინისტრო, სტუდენტთა დასაქმების ფორუმის ფარგლებში, აცხადებს სტაჟირების პროგრამასა და ვაკანსიებს სხვადასხვა პოზიციებზე.

სტაჟირების ადგილების რაოდენობა: 479

სტაჟირების გავლის შემდგომ, დადებითი შეფასების მიღების შემთხვევაში, კანდიდატებს შესაძლებლობა მიეცემათ დასაქმდნენ შინაგან საქმეთა სამინისტროს სხვადასხვა სტრუქტურულ ქვედანაყოფში, მათი დაინტერესებიდან გამომდინარე.

სტაჟიორის ვაკანსია გამოცხადებულია სხვადასხვა პოზიციაზე მათ შორის:

• გამომძიებელის პოზიციაზე;
• პატრულ-ინსპექტორის პოზიციაზე;
• ინსპექტორის და ფსიქოლოგის პოზიციაზე შინაგან საქმეთა სამინისტროს აკადემიაში;

ასევე სტაჟირების პროგრამა გამოცხადებულია :

• 112-ში;
• სასაზღვრო პოლიციაში;
• საექსპერტო კრიმინალისტიკურ დეპარტამენტში;
• ადამიანური რესურსების მართვის და ეკონომიკურ დეპარტამენტებში;
• მომსახურების სააგენტოში;
• დროებითი მოთავსების უზრუნველყოფის დეპარტამენტსა და საგანგებო სიტუაციების მართვის სამსახურში.

სტაჟირების პოზიციაზე შესაძლებელია დასაქმდნენ ბაკალავრის ხარისხის მქონე კურსდამთავრებული.

გარდა ამისა, სამინისტრომ გამოაქვეყნა 100 მართლწესრიგის ოფიცრის ვაკანსია და 2 ვაკანსია მომსახურების სააგენტოში. ვაკანსიების გამოცხადება პერიოდულად გაგრძელდება.

სტაჟირების პოზიციები და ვაკანსიები გამოცხადებულია 2019 წლის 29 სექტემბრამდე.

დაინტერესების შემთხვევაში იხილეთ დაწვრილებითი ინფორმაცია ბმულზე და მიყევით ინსტრუქციას: http://hr.police.ge