ვაკანსიები

ილიას სახელმწიფო უნივერსიტეტი აცხადებს კონკურსს საფინანსო სამმართველოში მთავარი სპეციალისტის თანამდებობაზე.

საკვალიფიკაციო მოთხოვნები:
•    უმაღლესი განათლება ეკონომიკის ან ფინანსების მართვის სფეროში;
•     საოფისე კომპიუტერული პროგრამებით (Excel, Word) ოპერირების სრულყოფილი ცოდნა;
•    საგადასახადო და საბუღალტრო კანონმდებლობის ცოდნა;
•    სასურველია საბიუჯეტო კანონმდებლობის ცოდნა, კერძოდ:

ა) საქართველოს კანონი "საქართველოს საბიუჯეტო კოდექსი";
ბ) საქართველოს კანონი "უმაღლესი განათლების შესახებ";
გ) "საჯარო სამართლის იურიდიული პირის შესახებ" საქართველოს კანონი;
დ) "საქართველოს 2011 წლის სახელმწიფო ბიუჯეტის შესახებ" საქართველოს კანონი;
ე) "საქართველოს საბიუჯეტო კლასიფიკაციის შესახებ" საქართველოს ფინანსთა მინისტრის 2010 წლის 25 აგვისტოს #672 ბრძანება;
ვ) გრანტების შესახებ საქართველოს კანონის ცოდნა;

•    ეფექტური ვერბალური და წერილობითი კომუნიკაციის დამყარების უნარი;
•    დროის შეზღუდულ პერიოდში კოორდინირებული მოქმედების უნარი, ოპერატიულობა.

სამუშაო გამოცდილება: მინიმუმ 1 წლიანი მუშაობის გამოცდილება ფინანსების მართვის სფეროში.

მოვალეობები:
•    უნივერსიტეტისა და მისი სტრუქტურული ერთეულების ბიუჯეტის დაგეგმვასა და განხორციელებაში მონაწილეობის მიღება;
•    კომპეტენციის ფარგლებში უნივერსიტეტის შემოსავლებისა და გასავლების ფინანსურ მართვაში მონაწილეობის მიღება;
•    უნივერსიტეტის შემოსავლების და ხარჯების ფაკულტეტთაშორისი განაწილების პროცესში მონაწილეობის მიღება;
•    საფინანსო სამმართველოს კომპეტენციაში შემავალი კორესპონდენციის პროექტების მომზადება.

განაცხადის მიღების ბოლო ვადაა 2011 წლის 29 მაისი.

დამატებითი ინფორმაციისათვის მიმართეთ ილიას სახელმწიფო უნივერსიტეტის სტუდენტური სერვის ცენტრის დასაქმების, დაბინავებისა და სტიპენდიების განყოფილებას მისამართზე: ჭავჭავაძის  გამზ. №32, ოთახი C 219, ტელ.: 822 29 47 11.