ვაკანსიები

საჯარო რეესტრის ეროვნული სააგენტო აცხადებს ქონების რეგისტრაციის დეპარტამენტის სისტემური რეგისტრაციის სამსახურის უძრავი ქონების ამგეგმავ/ამზომველის ვაკანსიას.

ვაკანსიის დასახელება: ქონების რეგისტრაციის დეპარტამენტის სისტემური რეგისტრაციის სამსახურის უძრავი ქონების ამგეგმავი/ამზომველი (შრომითი ხელშეკრულებით დასაქმებული პირი)

სამუშაო ადგილი: ქ. თბილისი

სამუშაოს ტიპი: სრული განაკვეთი

გამოსაცდელი ვადა: 6 თვე

შრომის ანაზღაურება განისაზღვრება კანდიდატის გამოცდილებისა და კვალიფიკაციის მიხედვით (1000-დან 2000 ლარამდე (დარიცხული))

ფუნქციები:

• სისტემური რეგისტრაციის ფარგლებში მიწის ნაკვეთებზე საკადასტრო სამუშაოების სისტემურად შესრულება;
• საველე-საამზომველო სამუშაოებში მონაწილეობა და მონაცემების დამუშავება;
• დამუშავებული და მომზადებული მასალების უფლებამოსილი პირებისა თუ უწყებებისთვის მიწოდება;
• გეომონაცემთა ბაზებსა და გეოინფორმაციულ სისტემებთან მუშაობა.

მოთხოვნები:

• სასურველია უმაღლესი განათლება გეოგრაფიის,  გეოდეზიის, კარტოგრაფიის, ტოპოგრაფიის ან გეოინფორმატიკის მიმართულებით;
• სასურველია სამუშაო გამოცდილება – საველე ტოპო-გეოდეზიური და საკადასტრო სამუშაოების მიმართულებით;
• გეოინფორმაციული სისტემის (GIS) პროგრამული პაკეტების ცოდნა;
• სასურველია ინგლისური და რუსული ენების ცოდნა;
• სახელმწიფო ენის სრულყოფილი ფლობა;
• საოფისე კომპიუტერული პროგრამების ფლობა.

 პიროვნული თვისებები და უნარ-ჩვევები:

• მოქნილობა და ცვლილებებზე ადაპტირება;
• შედეგზე ორიენტაცია;
• სიზუსტესა და დეტალებზე ორიენტირებულობა;
• დროის ეფექტიანი მართვა;
• დამოუკიდებლად მუშაობა.

საკონკურსო თემატიკა:

• საქართველოს კანონი „სახელმწიფო პროექტის ფარგლებში მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“;
• საქართველოს კანონი „საჯარო რეესტრის შესახებ“;
• საქართველოს კანონი „გეოდეზიური და კარტოგრაფიული საქმიანობის შესახებ";
• საქართველოს მთავრობის 2016 წლის 8 აგვისტოს N388 დადგენილება „მიწის ნაკვეთის საკადასტრო აგეგმვითი/აზომვითი სამუშოს შესრულებისა და დოკუმენტირების წესისა და საკადასტრო აგეგმვითი/აზომვითი სამუშოს საქართველოს კანონმდებლობის მოთხოვნათა დარღვევით შესრულებისათვის საკადასტრო აგეგმვითი/აზომვითი სამუშაოს შესრულების უფლებამოსილების მქონე პირის სერტიფიკატის მოქმედების შეჩერებისა და გაუქმების წესის დამტკიცების შესახებ“;
• საჯარო სამართლის იურიდიული პირის – საჯარო რეესტრის ეროვნული სააგენტოს დებულების დამტკიცების შესახებ საქართველოს იუსტიციის მინისტრის 2016 წლის 3 მაისის N134 ბრძანება.

გასაუბრებაზე დაიშვებიან მაღალი აკადემიური მოსწრების სტუდენტები და

კურსდამთავრებულები.

კონკურსის ეტაპები:

• რეზიუმეების გადარჩევა;
•  გასაუბრება.

დაინტერესების შემთხვევაში გთხოვთ გამოგზავნოთ თქვენი CV ელექტრონულ მისამართზე: uni-jobs@iliauni.edu.ge 2021 წლის 8 იანვრის ჩათვლით.

გთხოვთ, სათაურის ველში (subject) მიუთითოთ ვაკანსიის დასახელება: „ქონების რეგისტრაციის დეპარტამენტის სისტემური რეგისტრაციის სამსახურის უძრავი ქონების ამგეგმავი/ამზომველი",

წინააღმდეგ შემთხვევაში თქვენი კანდიდატურა არ განიხილება.