მაგისტრებისთვის: ფინანსური დავალიანების შესახებ
”უმაღლესი განათლების შესახებ” საქართველოს კანონის 23-ე მუხლის პირველი პუნქტის, 24-ე მუხლის პირველი პუნქტის ’ზ” ქვეპუნქტის, საქართველოს განათლებისა და მეცნიერების მინისტრის 2010 წლის 20 აპრილის № 27/ნ ბრძანების ”საჯარო სამართლის იურიდიული პირის ილიას სახელმწიფო უნივერსიტეტის წესდების დამტკიცების შესახებ” მე-18 მუხლის პირველი პუნქტისა და მეორე პუნქტის ”ი” ქვეპუნქტის საფუძველზე
ვბრძანებ
- ილიას სახელმწიფო უნივერსიტეტის სამაგისტრო პროგრამების სტუდენტებს, რომლებსაც ერიცხებათ უნივერსიტეტის მიმართ ფინანსური დავალიანება, ეძლევათ გაფრთხილება, დაფარონ სწავლის საფასური ხელშეკრულებაში მითითებულ ვადებში;
- აღნიშნული სტუდენტები, რომლებიც არ დაფარავენ სწავლის საფასურს ამ ბრძანებაში მითითებულ ვადებში, არ დაიშვებიან დასკვნით გამოცდებზე და ნაშრომის დაცვაზე;
- ამ ბრძანებით განსაზღვრულ სტუდენტებს 11 ივნისის შემდეგ დამატებითი გაფრთხილების გარეშე შეუჩერდებათ სტუდენტის სტატუსი, რაც გულისხმობს, რომ ისინი ვერ მიიღებენ მაგისტრის ხარისხს სტუდენტის სტატუსის აღდგენამდე;
- სტატუსშეჩერებულ სტუდენტებს სტატუსი აღუდგებათ მხოლოდ სწავლის საფასურის სრულად გადახდის დამადასტურებელი დოკუმენტის წარმოდგენის შემდეგ;
- დაევალოს უნივერსიტეტის საზოგადოებასთან ურთიერთობის სამსახურს, ბრძანება განათავსოს უნივერსიტეტის ვებგვერდზე;
- დაევალოს კანცელარიას, ბრძანების ასლები მიაწოდოს ბიზნესისა და სამართლის ფაკულტეტს, სამაგისტრო და სადოქტორო პროგრამების ფაკულტეტს, ფინანსურ სამსახურს, აღრიცხვა-ანგარიშგების დეპარტამენტს, საფინანსო სამმართველოს, იურიდიულ სამსახურს და საზოგადოებასთან ურთიერთობის სამსახურს.
ადმინისტრაციის ხელმძღვანელი
სერგო რატიანი