ამერიკის შეერთებული შტატების მერვე ყოველწლიური საგანმანათლებლო გამოფენა
2010 წლის 11 ოქტომბერს ჩატარდება ამერიკის შეერთებული შტატების მერვე ყოველწლიური საგანმანათლებლო გამოფენა, რომელზეც წარმოდგენილი იქნება ამერიკული უნივერსიტეტები, ჩატარდება სემინარები აშშ-ში უმაღლესი განათლებისა და აშშ-ს მთავრობის მიერ დაფინანსებული საგანმანათლებლო გაცვლითი პროგრამების შესახებ, მოეწყობა შეხვედრა აშშ-ს უნივერსიტეტების წარმომადგენლებთან და კურსდამთავრებულებთან.
გამოფენის ორგანიზატორები არიან აშშ-ს საელჩო საქართველოში, "საერთაშორისო განათლების ცენტრი", საინფორმაციო-საგანმანათლებლო ცენტრი "კვალი".
აშშ-ს საგანმანათლებლო გამოფენა სტუდენტებსა და სკოლის მოსწავლეებს შესაძლებლობას აძლევს შეხვდნენ და გაესაუბრონ ამერიკული უნივერსიტეტების წარმომადგენლებს, მიიღონ ინფორმაცია ამერიკულ უნივერსიტეტებში ინდივიდუალურად ჩარიცხვისა და აშშ-ს მთავრობის მიერ დაფინანსებულ გაცვლით პროგრამებში მონაწილეობის შესახებ.
საგანმანათლებლო გამოფენა ჩატარდება საქართველოს პარლამენტის ეროვნულ ბიბლიოთეკაში (ლადო გუდიაშვილის ქ. 7), 13:00 - 16:00 სთ. დასწრება თავისუფალია.
დამატებითი ინფორმაციისათვის მიმართეთ, ილიას სახელმწიფო უნივერსიტეტის სტუდენტური სერვის ცენტრის, დასაქმების, დაბინავებისა და სტიპენდიების განყოფილებას მისამართზე: ჭავჭავაძის გამზ. №32, ოთახი C 220, ტელ.: (8 32) 29 47 11.