სტიპენდიები და გაცვლითი პროგრამები სტუდენტებისთვის

გაცნობებთ, რომ საბერძნეთის სახელმწიფო სასტიპენდიო ფონდი აცხადებს სასტიპენდიო პროგრამას უცხო ქვეყნის მოქალაქეებისთვის თანამედროვე ბერძნული ენისა და კულტურის შესასწავლად.

სტიპენდიის ხანგრძლივობაა 8 თვე (2017 წლის ოქტომბერი – 2018 წლის მაისი).

კურსის გავლა შესაძლებელი იქნება ქვემოთ ჩამოთვლილი უნივერსიტეტებიდან ერთ-ერთში: 

• ათენის უნივერსიტეტი
• თესალონიკის უნივერსიტეტი
• იანინას უნივერსიტეტი
• კრეტას უნივერსიტეტი

კურსი მოიცავს შემდეგ აქტივობებს:

 •  ბერძნული ენის კურსი

მონაწილეები შეისწავლიან ბერძნულ ენას ან გაიმჯობესებენ ბერძნული ენის ცოდნის დონეს.

•  ისტორია და კულტურა: საბერძნეთის ისტორია, კულტურა და ხელოვნება

გაიმართება სემინარები და მოეწყობა ექსკურსიები საბერძნეთის ისტორიულ ადგილებში

•  სოციალური პროგრამა სხვადასხვა ღონისძიებებში ჩართვის შესაძლებლობებით.

 განაცხადის შევსების ბოლო ვადაა 2017 წლის 11 სექტემბერი.

 კონკურსის შესახებ დამატებითი ინფორმაცია იხილეთ ვებგვერდზე: https://www.iky.gr/