სტიპენდიები და გაცვლითი პროგრამები სტუდენტებისთვის

ახალგაზრდებში აფხაზეთის საკითხისადმი ინტერესის გაღრმავებისა და აფხაზური თემატიკის პოპულარიზაციისთვის აფხაზეთის ავტონომიური რესპუბლიკის მთავრობის ინიციატივით დაწესდა აკადემიკოს ილია ვეკუას სახელობის სტიპენდიები.

სტიპენდიაზე განაცხადის შეტანა შეუძლიათ მათემატიკისა და კომპიუტერული მეცნიერებების მიმართულების განსაკუთრებული მიღწევებითა და წარმატებებით გამორჩეულ ბაკალავრიატისა და მაგისტრატურის სტუდენტებს, რომლებიც აკმაყოფილებენ შემდეგ კრიტერიუმებს:

• აქვთ მაღალი აკადემიური მოსწრება (საშუალო ქულა უნდა აღემატებოდეს 80-ს);
• მონაწილეობდნენ სხვადასხვა სამეცნიერო კონფერენციაში;
• გამოქვეყნებული აქვთ სამეცნიერო ნაშრომი;
• არიან საზოგადოებრივად აქტიურები.

სტიპენდია განისაზღვრება თვეში 200 ლარით როგორც სამაგისტრო, ასევე საბაკალავრო საფეხურის სტუდენტებისთვის. მათ სტიპენდია მიეცემათ დანიშვნის დღიდან 1 სასწავლო წლის (10 თვის) განმავლობაში.

დაინტერესებულ პირებს გთხოვთ მიმდინარე წლის 2 აგვისტომდე მითითებულ ელ-ფოსტაზე: bte@iliauni.edu.ge გამოგზავნოთ შემდეგი დოკუმენტაცია:

1. რეზიუმე;
2. პირადობის მოწმობის ასლი;
3. ლექტორის რეკომენდაცია;
4. ნიშნების ფურცელი;
5. სამეცნიერო ნაშრომის გამოქვეყნებისა და სამეცნიერო კონფერენციებში მონაწილეობის დამადასტურებელი დოკუმენტაცია;
6. სიგელები, სერტიფიკატები (ასეთის არსებობის შემთხვევაში);
7. ინფორმაცია საზოგადოებრივი აქტივობის შესახებ

წერილის გამოგზავნისას სათაურის ველში მიუთითეთ: აკადემიკოს ილია ვეკუას სახელობის სტიპენდია.

იხილეთ ინფორმაცია ბმულზე.

2021 წელი