![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
„ვეფხისტყაოსნის“ სამაგიდო თამაში
ღონისძიებები
19 ნოემბერს, 19:00 საათზე, ილიას სახელმწიფო უნივერსიტეტის S101 აუდიტორიაში გლობალური მეწარმეობის კვირეულის ფარგლებში ჩატარდება მასტერკლასი: „ვეფხისტყაოსნის“ სამაგიდო თამაში.
მასტერკლასი საინტერესო იქნება ინტელექტუალური სამაგიდო თამაშებით დაინტერესებული პირებისათვის და შეეხება სხვადასხვა სტრატეგიულ თამაშს. წარმოდგენილი იქნება 30-ზე მეტი სხვადასხვა სახეობის ხის ეკოლოგიურად სუფთა სამაგიდო თამაშები „ვეხისტყაოსნის“ თემაზე. ინტელექტუალური სამაგიდო თამაშები ცოცხალი ურთიერთობის, საღამოს მეგობრების წრეში გატარების კარგი საშუალებაა. ხალხური „ვეფხისტყაოსანი“, ავთანდილობა თუ შერმადინობა, გადამწერთა ჩამატებები – ეს ყველაფერი ხალხის კულტურულ-სოციალურ ცხოვრებაში „ვეფხისტყაოსნის“ ინტერაქტიულ-თამაშობრივ მონაწილეობას გამოხატავდა.
ღონისძიებაზე მოწვეული იქნება „ვეფხისტყაოსნის“ სამაგიდო თამაშის შემქმნელი ლევან გელაშვილი, რომელიც ისეაუბრებს შემდეგ თემებზე:
-
რა არის სტრატეგია?
-
როგორ შეიძლება სტრატეგიული აზროვნების განვითარება?
-
როგორ შეიძლება სტრატეგული თამაშების შექმნა?
-
რა სტერეოტიპებისგან უნდა გათავისუფლდე შექმნის პროცესში?
ღონისძიებაზე მონაწილეებს საშუალება ექნებათ გამოსცადონ სხვადასხვა ინტელექტუალური სამაგიდო თამაშები, რომელთა გრაფიკულ-გამომსახველობითი და ტექსტური მხარე ახალი სინთეზური ვარიაციითაა წარმოდგენილი, რაც მათ საშუალებას მისცემს თვითონ მიიღონ მონაწილეობა არსებული თამაშების ახალი ვარიაციების მოფიქრებაში.
დრო: 19 ნოემბერი, 19:00 საათი
ადგილმდებარეობა: S 101 აუდიტორია, ილიას სახელმწიფო უნივერსიტეტი