ღონისძიებები

22 მაისს, 18:00 საათზე, ილიას სახელმწიფო უნივერსიტეტის ფსიქიკური ჯანმრთელობის რესურსცენტრის, ადიქციის კვლევების ინსტიტუტისა და სტუდენტთა ფსიქოლოგიური კონსულტირების ცენტრის ორგანიზებით გაიმართება სერიის „COVID-19-თან დაკავშირებული ახალი ფსიქოსოციალური რეალობა და მასთან გამკლავება“ მეხუთე ვებინარი თემაზე: „ოჯახური ძალადობის პრევენცია“

COVID-19 ქმნის რისკის სიტუაციას ოჯახური ძალადობის თვალსაზრისით. ვებინარზე ვისაუბრებთ, რა შეიძლება გავაკეთოთ რისკების შესამცირებლად, ქვეყანაში რა სერვისები არსებობს ამ პრობლემასთან გასამკლავებლად; ყურადღებას გავამახვილებთ ოჯახური ძალადობის პრობლემის ფსიქიკური ჯანმრთელობის ასპექტზე.

ვებინარს გაუძღვებიან:

• ლელა ცისკარიშვილი, წამების მსხვერპლთა რეაბილიტაციის ცენტრის დირექტორი;
• სოფო ტაბაღუა, ფსიქიატრი/ფსიქოთერაპევტი, GCRT;
• ბაია პატარაია, იურისტი, არასამთავრობო ორგანიზაცია „საფარის“ ხელმძღვანელი.

შეგიძლიათ წინასწარ მოგვაწოდოთ შეკითხვები მეილზე ispcc@iliauni.edu.ge
ან დაგვისვათ ლაივის მსვლელობისას.

დრო: 22 მაისი, 18:00 საათი

ადგილი: ილიას სახელმწიფო უნივერსიტეტის ISPCC კონსულტირების ცენტრი

სერიის შესახებ ვრცელი ინფორმაცია ხელმისაწვდომია ბმულზე: https://bit.ly/2VdUiyA