![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
ვებინარების სერია: COVID-19-თან დაკავშირებული გამოწვევები და ნარკოტიკებზე დამოკიდებულება
ღონისძიებები
8 მაისს, 18:00 საათზე, ილიას სახელმწიფო უნივერსიტეტის ფსიქიკური ჯანმრთელობის რესურსცენტრის, ადიქციის კვლევების ინსტიტუტისა და სტუდენტთა ფსიქოლოგიური კონსულტირების ცენტრის ორგანიზებით ვებინარების სერიის „COVID-19-თან დაკავშირებული ახალი ფსიქოსოციალური რეალობა და მასთან გამკლავება“ ფარგლებში გაიმართება მესამე ვებინარი.
ვებინარის თემა: „COVID-19-თან დაკავშირებული გამოწვევები და ნარკოტიკებზე დამოკიდებულება“
მომხსენებლები ისაუბრებენ, თუ რა გამოწვევების წინაშე აყენებს COVID-19-ის პანდემია ნარკოტიკებზე დამოკიდებულ და ნარკოტიკების მომხმარებელ ადამიანებს, რამდენად შეცვალა ამ გამოწვევებმა ადიქციის სერვისების მომსახურება, რა შეიძლება გაკეთდეს ამ გამოწვევათა საპასუხოდ.
ვებინარს გაუძღვებიან:
- ჯანა ჯავახიშვილი, ილიას სახელმწიფო უნივერსიტეტის პროფესორი;
- ირმა კირთაძე, ილიას სახელმწიფო უნივერსიტეტის პროფესორი;
- მაკა გოგია, ზიანის შემცირების საქართველოს ქსელის პროგრამის დირექტორი;
- ქეთა სიხარულიძე, ადიქციის კვლევების სამაგისტრო პროგრამის კურსდამთავრებული მაგისტრი, სამედიცინო ცენტრი ურანტის ჩანაცვლებითი თერაპიის განყოფილების უფროსი.
შეგიძლიათ წინასწარ მოგვაწოდოთ შეკითხვები მისამართზე: ispcc@iliauni.edu.ge
ან დაგვისვათ ლაივის მსვლელობისას.
დრო: 8 მაისი, 18:00 საათი
ადგილი: ილიას სახელმწიფო უნივერსიტეტის კონსულტირების ცენტრის ფეისბუქგვერდი
სერიის შესახებ ვრცელი ინფორმაცია ხელმისაწვდომია ბმულზე: https://bit.ly/2VdUiyA