![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
ვებინარების ციკლი „ბაგა-ბაღების პრაქტიკის გაზიარება“
ღონისძიებები
ილიას სახელმწიფო უნივერსიტეტის ბავშვის განვითარების ინსტიტუტის ორგანიზებით გაიმართება ონლაინშეხვედრების ციკლი „ბაგა-ბაღების პრაქტიკის გაზიარება“.
შეხვედრებზე ადრეული განათლების სფეროს წარმომადგენლები ისაუბრებენ საკუთარ პრაქტიკულ გამოცდილებაზე, რომლის გაზიარებაც თანაბრად მნიშვნელოვანია როგორც ბაგა-ბაღებში მომუშავე პირებისთვის, ასევე მშობლებისა და გადაწყვეტილებების მიმღები პირებისთვის.
ვებინარები დაეთმობა პროექტს: „ბავშვების სოციალური და ემოციური კომპეტენციების ხელშეწყობა პირამიდის მოდელის სტრატეგიების გამოყენებით“. პროექტი შოთა რუსთაველის ეროვნული სამეცნიერო ფონდის მხარდაჭერით განახორციელა ილიას სახელმწიფო უნივერსიტეტის დოქტორანტმა ლია ქურციკიძემ.
ციკლი სამ ვებინარს მოიცავს:
I შეხვედრა
12 ოქტომბერს, 19:00 საათზე, ილიაუნის ბავშვის განვითარების ინსტიტუტის ფეისბუქგვერდზე გაიმართება ვებინარი თემაზე „პირამიდის მოდელის დანერგვა 2-5 წლამდე ასაკის ბავშვების სოციალური და ემოციური კომპეტენციების განვითარებისთვის“.
მონაწილეები:
- თამარ საღინაძე, ილიას სახელმწიფო უნივერსიტეტის ადრეული განათლების სპეციალისტი;
- ლია ქურციკიძე, ილიას სახელმწიფო უნივერსიტეტის ტრენერი, დოქტორანტი.
II შეხვედრა
მეორე ვებინარი გაიმართება 19 ოქტომბერს, 19:00 საათზე, ილიაუნის ბავშვის განვითარების ინსტიტუტის ფეისბუქგვერდზე.
შეხვედრის თემა: „ბავშვებთან კავშირის დამყარება და ემოციური კომპეტენციების ხელშეწყობა“
მონაწილეები:
- ლია ქურციკიძე, ილიას სახელმწიფო უნივერსიტეტის ტრენერი; დოქტორანტი
- მერი ზოიძე, ქობულეთის მუნიციპალიტეტის სოფელ ჩაისუბნის ბაღის აღმზრდელი
- თამუნა ასკილაშვილი, ქალაქ ტყიბულის N6 ბაღის აღმზრდელი
III შეხვედრა
მესამე ვებინარი გაიმართება 26 ოქტომბერს, 19:00 საათზე, ილიაუნის ბავშვის განვითარების ინსტიტუტის ფეისბუქგვერდზე.
შეხვედრის თემა: „მეგობრობის და პრობლემის გადაჭრის უნარების განვითარება ბავშვებში“.
მონაწილეები:
- ლია ქურციკიძე, დოქტორანტი, ილიას სახელმწიფო უნივერსიტეტის ტრენერი;
- სვეტა გველებიანი, ხონის მუნიციპალიტეტის სოფელ მათხოჯის საბავშვო ბაღის აღმზრდელი;
- ნათია სართანია, თბილისის N63 ბაგა-ბაღის აღმზრდელი.
დასწრება თავისუფალია.
2023 წელი