![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
უნილაბი სკოლაში - სკოლის მოსწავლეების ტექნოლოგიური პროექტების პრეზენტაცია
ღონისძიებები
განათლების საერთაშორისო გამოფენის ფარგლებში 27 მაისს,14:00 საათზე სკოლის მოსწავლეებისთვის პროექტის „უნილაბი სკოლაში“ პრეზენტაცია გაიმართება.
პროექტი ილიას სახელმწიფო უნივერსიტეტის საკვირაო სკოლის ფორმატში ხორციელდება და გულისხმობს მე-8-მე-12 კლასის მოსწავლეებისთვის მთელი საქართველოდან სრულად დაფინანსებული კურსების შეთავაზებას მომავლის პროფესიების მიმართულებით (Front-end და დიზაინის საწყისები; Unity 3D; C#). პრაქტიკული კურსის გავლის შემდეგ პროექტის მონაწილეები რეალურ პროექტებზე მუშაობენ და საუკეთესო პროექტების ავტორები ილიაუნის სასტიპენდიო ვაუჩერით ჯილდოვდებიან.
საგანმანათლებლო პროგრამების პრეზენტაციის შემდეგ პროექტის „უნილაბი სკოლაში“ კურსდამთავრებულები ტექნოლოგიური პროექტების პრეზენტაციებს ჩაატარებენ
განრიგი
_____________________________________________________________________________________________
გიორგი ბერაია - თბილისის 52-ე საჯარო სკოლის, მე-11 კლასის მოსწავლე, გიორგიმ პროგრამირება c#-ის კურსის გავლის შემდგომ შექმნა 2D პიქსელური სტილის თამაში, რომლის ყველა ობიექტი და პერსონაჟი თვითონ დახატა და როგორც picturebox-ი, შეიტანა პროექტში. შემდეგ მათთვის დაწერა კოდი და ვინდოუს ფორმებში გამოიყვანა, შექმნა მოძრაობის ილუზია რითაც პროექტიც ნამდვილ თამაშს დაემსგავსა.
ლუკა ჩახუნაშვილი - თბილისის მე-8 საჯარო სკოლის მე-11 კლასის მოსწავლე, ლუკამ თამაშების დეველოპმენტის კურსის გავლის შემდგომ, თავად შექმნა 2d თამაში, რომლის სცენარისა და იდეის ავტორიც თვითონ არის.
ელენე კომახიძე - თბილისის კლასიკური გიმნაზიის მე-10 კლასის მოსწავლე, რომელმაც C# პროგრამირების კურსი გაიარა და შექმნა ცნობილი პიქსელური თამაშის Pac Man-ის ანალოგი.
ნინი მერაბიშვილი - თბილისის ქაქუცა ჩოლოყაშვილის სახელობის 178-ე საჯარო სკოლის, მე-11 კლასის მოსწავლე, ნინი ფრონტენდის კურსის გავლის შემდგომ აპირებს საკუთარი სტარტაპი, Travellocation წამოიწყოს, რომელიც მოგზაურობის შესახებ ბლოგპოსტებსა და სხვადასხვა პროექტებს მოუყრის თავს.
ანი მერაბიშვილი - ქ.თბილისის ქაქუცა ჩოლოყაშვილის სახელობის 178-ე საჯარო სკოლის, მე-11 კლასის მოსწავლე, ანი ფრონტენდის კურსის გავლის შემდგომ დაწყებული აქვს მუშაობა, მის მიერ ბავშვობაში შექმნილი კომპანიის, Smart Twins-ის საიტის შექმნაზე.
დრო: 27 მაისი, 14:00-16:15 საათი
ფორმატი: დისტანციური
შეხვედრის ბმული: https://bit.ly/3oSoqwl
2021 წელი