![კურსდამთავრებულების გამოსაშვები ცერემონია](https://iliauni.edu.ge/uploads/photo/cache/84/06c59237076fbe0bff1546990908e52b_84206.png)
![ილიაუნის ტექნოლოგიის სკოლის ასოცირებული პროფესორის, ია კუპატაძისა და ასისტენტ-პროფესორ ნანა ზაზანაშვილის საჯარო ლექციები](https://iliauni.edu.ge/uploads/photo/cache/84/0d019e547359cc8f4946b351d8a4f4e9_84099.png)
![„სამაგიდო თამაშების საღამო 2.0” ილიაუნის სტუდენტებისთვის](https://iliauni.edu.ge/uploads/photo/cache/84/8a8e66943785249f4964ebeaf535bdd0_84069.png)
შეხვედრა Tbilisi Open Air-ის დამფუძნებლებსა და ორგანიზატორებთან
ღონისძიებები
14 მაისს, 18:00 საათზე, ილიას სახელმწიფო უნივერსიტეტის E207 აუდიტორიაში გაიმართება შეხვედრა Tbilisi Open Air-ის დამფუძნებლებსა და ორგანიზატორებთან.
Tbilisi Open Air 2019 21-23 ივნისს Lisi Wonderland-ში გაიმართება. ფესტივალის ჰედლაინერები არიან Franz Ferdinand, Mogwai, UNKLE, Rhye, David August, The Subways, Michelle Gurevich, 1200 Micrograms, „მწვანე ოთახი“, სულ 70-მდე შემსრულებელი.
შეხვედრის მიზანია სტუდენტები გაეცნონ ფესტივალის განხორციელების პროცესში არსებულ საორგანიზაციო საკითხებსა და გამოწვევებს. განხილული იქნება შემდეგი საკითხები:
-
მასშტაბური პროექტის მენეჯმენტი;
-
ფესტივალის სოციალური პასუხისმგებლობა და პასუხისმგებლობა საზოგადოების წინაშე;
-
ფესტივალის შექმნის ისტორია და განვითარების ეტაპები;
-
ფესტივალის საკომუნიკაციო სტრატეგია.
შეხვედრის სპიკერები იქნებიან აჩიკო გულედანი (ფესტივალის დამფუძნებელი), ვახო ბაბუნაშვილი (ფესტივალის დამფუძნებელი) და ირაკლი ნადარეიშვილი (ფესტივალის გენერალური პროდიუსერი).
შეხვედრა კითხვა-პასუხის რეჟიმში წარიმართება.
Tbilisi Open Air 2009 წელს AltervisionGroup-ის ინიციატივით შეიქმნა. 10 წლის განმავლობაში კავკასიის რეგიონში ყველაზე მასშტაბურ მუსიკალურ ფესტივალს ისეთი არტისტები ეწვივნენ, როგორებიც არიან: Deep Purple, Placebo, DDT, Archive, Tricky, UNKLE, Sevdaliza, Tom Odell, Roman Flugel, სულ 1000-მდე არტისტი.
დრო: 14 მაისი, 18:00 საათი
ადგილმდებარეობა: E207 აუდიტორია (ქ. ჩოლოყაშვილის გამზ. N3/5), ილიას სახელმწიფო უნივერსიტეტი
დასწრება თავისუფალია.